Josh 2:1 וֻשלַח יְהוֹשֻעַ בַר נוּן מִן שִטִין תְרֵין גֻברִין מְאַלְלִין בְרַז לְמֵימַר אִיזִילוּ חְזוֹ יָת אַרעָא ויָת יְרִיחוֹ וַאְזַלוּ וְעָלוּ לְבֵית אִיתְתָא פֻנדְקֵיתָא וֻשמַה רָחָב וֻשכִיבוּ תַמָן
Josh 2:2 וְאִתאְמַר לְמַלכָא דִירִיחוֹ לְמֵימַר הָא גֻברַיָא אְתוֹ הָלְכָא״הכא#3#״ בְלֵיליָא מִבְנֵי יִשׂרָאֵל לְאַלָלָא יָת אַרעָא׃
Josh 2:3 וֻשלַח מַלכָא דִירִיחוֹ לְוָת רָחָב לְמֵימַר אַפִיקִי גֻברַיָא דַאְתוֹ״דעלין#3#״ לְוָתִיך דְעָלוּ לְבֵיתִיך אְרֵי לְאַלָלָא יָת כָל אַרעָא אְתוֹ׃
Josh 2:4 וֻדבַרַת אִיתְתָא יָת תְרֵין גֻברַיָא וְאַטמַרַתנוּן וַאְמַרַת בְקֻשטָא אְתוֹ לְוָתִי גֻברַיָא וְלָא יְדַעִית אֵי מְנָן אִנוּן׃
Josh 2:5 וַהְוָה עִדָן״בעידן#3#״ לְמֵיחַד תַרעָא בְקַבלָא וְגֻברַיָא נְפַקוּ לָא״ולא#3#״ יְדַעִית לְאָן אְזַלוּ גֻברַיָא רְדוּפוּ בִפרִיעַ בָתְרֵיהוֹן אְרֵי תַדבְקוּנוּנוּן׃
Josh 2:6 וְהִיא אַסֵיקַתנוּן לְאִיגָרָא וְאַטמַרַתנוּן בִטעוּנֵי כִתָנָא דִסדִירִין לַה עַל אִגָרָא׃
Josh 2:7 וְגֻברַיָא רְדַפוּ בָתְרֵיהוֹן אוֹרַח״בְאוֹרַח#3#״ יַרדְנָא עַל״עַד#3#״ מֵגָזָתָא״מגזרתא#3#״ וְתַרעָא״ותרעיא#3#״ אְחַדוּ בָתַר דִנפַקוּ רָדְפַיָא בָתְרֵיהוֹן׃
Josh 2:8 וְאִנוּן עַד לָא שְכִיבוּ וְהִיא סְלֵיקַת לְוָתְהוֹן לְאִיגָרָא׃
Josh 2:9 וַאְמַרַת לְגֻברַיָא יָדַענָא״ידעית#3#״ אְרֵי יְהַב יְיָ לְכוֹן יָת אַרעָא וַאְרֵי נְפַלַת אֵימַתכוֹן עְלַנָא וַאְרֵי אִתְבַרוּ כָל יָתְבֵי אַרעָא מִן קְֹדָמֵיכוֹן׃
Josh 2:10 אְרֵי שְמַענָא יָת דְיַבֵיש יְיָ יָת מֵי יַמָא דְסוּף מן קְֹדָמֵיכוֹן בְמִפַקכוֹן מִמִצרַיִם וְדַעְבַדתוּן לִתרֵין מַלכֵי אְמוֹרָאָה דִבעִברָא דְיַרדְנָא לְסִיחוֹן וֻלעוֹג דְגַמַרתוּן יָתְהוֹן
Josh 2:11 וֻשמַענָא וְאִתמְסִי לִבַנָא וְלָא אִשתְאַרַת עוֹד רוּחַ בַאְנָש מִן קְֹדָמֵיכוֹן אְרֵי יְיָ אְלָהְכוֹן הוּא אְלֹהִים דִשכִינְתֵיה בִשמַיָא מִלְעֵילָא וְשַלִיט עַל אַרעָא מִלְרַע׃
Josh 2:12 וֻכעַן קַיִימוּ כְעַן לִי בְמֵימְרָא דַיְיָ אְרֵי עְבַדִית עִמְכוֹן טֵיבוּ וְתַעבְדוּן אַף אַתוּן עִם בֵית אַבָא טֵיבוּ וְתִתְנוּן לִי אָת דִקשוֹט׃
Josh 2:13 וְתַחוֹן יָת אַבָא וְיָת אִמָא וְיָת אַחַי וְיָת אַחְוָתַי וְיָת כָל דִילְהוֹן וֻתשֵיזְבוּן יָת נַפשָתַנָא מִמוֹתָא׃
Josh 2:14 וַאְמַרוּ לַה גֻברַיָא נַפשָתַנָא מְסִירָן חְלָף נַפשָתְכוֹן לִממָת אִם לָא תְחַווֹן יָת פִתגָמַנָא דֵין וִיהֵי כַד יִתֵין יְיָ לַנָא יָת אַרעָא וְנַעְבֵיד עִמִיך טֵיבוּ וֻקשוֹט׃
Josh 2:15 וְשַלשֵילַתנוּן בַאְטוּנָא מִן חְרַכָא אְרֵי בֵיתַה בִכתַל שוּרָא וֻבשוּרָא הִיא יָתְבָא׃
Josh 2:16 וַאְמַרַת לְהוֹן לְטוּרָא אִיזִילוּ דִלמָא יְעָרְעוּן בְכוֹן רָדְפַיָא וְתִטַמרוּן תַמָן תְלָתָה יוֹמִין עַד דִיתוּבוּן רָדְפַיָא וֻבָתַר כֵין תְהָכוּן לְאוֹרַחכוֹן׃
Josh 2:17 וַאְמַרוּ לַה גֻברַיָא זַכָאִין אְנַחנָא מִמוֹמָתִיך הָדָא דְקַיֵימתְ עְלַנָא׃
Josh 2:18 הָא אְנַחנָא עָלִין בְאַרעָא יָת תוּרָא דְחוּט זְהוֹרִיתָא הָדֵין תִקטְרִין בַחְרַכָא דְשַלשֵילתִנָא בֵיה וְיָת אְבוּך וְיָת אִמִיך וְיָת אְחַך וְיָת כָל בֵית אְבוּך תִכנְשִין לְוָתִיך לְבֵיתָא
Josh 2:19 וִיהֵי כָל דְיִפוֹק בָר מִדַשֵי בֵיתִיך לְבָרָא חוֹבַת קְטוּלֵיה בְרֵישֵיה וַאְנַחנָא זַכָאִין וְכָל דִיהֵי עִמִיך בְבֵיתָא חוֹבַת קְטוּלֵיה בְרֵישַנָא אִם יַד אְנָש תְהֵי בֵיה׃
Josh 2:20 וְאִם תְחַווֹן יָת פִתגָמַנָא דֵין וֻנהֵי זַכָאִין מִמוֹמָתִיך דְקַיֵימתְ עְלַנָא׃
Josh 2:21 וַאְמַרַת כְפִתגָמֵיכוֹן כֵן הוּא וְשַלַחַתנוּן וַאְזַלוּ וֻקטַרַת יָת תוּרָא דִזהוֹרִיתָא בַחְרַכָא׃
Josh 2:22 וַאְזַלוּ וְעַלוּ לְטוּרָא וִיתִיבוּ תַמָן תְלָתָה יוֹמִין עַד דְתָבוּ רָדְפַיָא וֻבעוֹ רָדְפַיָא בְכָל אוֹרְחָא וְלָא אַשכַחוּ׃
Josh 2:23 וְתָבוּ תְרֵין גֻברַיָא וֻנחַתוּ מִטוּרָא״מִן טוּרָא#2#״ וַעְבַרוּ וַאְתוֹ לְוָת יְהוֹשֻעַ בַר נוּן וְאִשתַעִיאוּ לֵיה יָת כָל דְעָרַעָא יָתְהוֹן׃
Josh 2:24 וַאְמַרוּ לִיהוֹשֻעַ אְרֵי מְסַר יְיָ בִידַנָא יָת כָל אַרעָא וְאַף״וַאְרֵי#2#״ אִתְבַרוּ כָל יָתְבֵי אַרעָא מִן קְֹדָמַנָא׃