Targum, Job, Chapter 23

Job 23:1 ואתיב איוב ואמר׃
Job 23:2 לחוד יומא״יומנא#1#״ מריר מימרי מחתי תקפת על תונחתי׃
Job 23:3 מן יגזור אנדע ואשכחניה״ואישכחיניה#1#״ איתי עד מדור בית מוקדשיה׃
Job 23:4 אסדר קדמוהי״קומוי#1#״ דין ופומי״ופמי#1#״ אמלי״יתמלי#1#״ מכסנותא״מכסנייותא#1#״׃
Job 23:5 אנדע מליא יתבינני ואתביין מה יימר לי׃
Job 23:6 הא בסוגעי חילא ינצי עמי לא ברם הוא ישוי תגרא בי׃
Job 23:7 תמן תריצתא ותקין עמיה ואשתיזיב לעלמא ממרי דיני׃
Job 23:8 הא למדינחא אהלך״אטייל#1#״ וליתוהי ולמערבא ולא אתביין ליה׃
Job 23:9 צפונא במעבדיה ולא אחמי כד מככין״מכבין#1#״ דרומא ולא אחזי״אחמי#1#״׃
Job 23:10 ארום גלי״ידע#1#״ קדמוהי אורחא דעמי בחן״בחון#2#״ יתי היך דהבא אפוק׃
Job 23:11 באסתווריה אחדת רגלי אורחתיה נטרית ולא עדית׃ {ל׳א} ולא צליית׃
Job 23:12 פקדנא שׂפוותוהי ולא אעדי מגזירתי אטישית מימרי פומיה״פמי#1#״׃
Job 23:13 והוא יחידאי ומן יתיבניה ונפשיה רגגת ועבדת׃
Job 23:14 ארום ישלים \כדבקמייתא ״כיד בקדמיתא#1#״ גזירתי ודיכמתהון סגיעין עמיה׃
Job 23:15 מטול היכנא מן קדמוהי אתבהיל אתביין ואדחל״ואידלח#1#״ מניה׃
Job 23:16 ואל רכיך לבבי ושדי בהלינני׃
Job 23:17 ארום לא איתמגרית מן קדם חשוכא ומן קדם אפי טמר״טמיר#1#״ קבלא׃