Ps 32:1 לדוד שכלא טבא״#1#״ אמר דוד טובוי \דמן שבקין ״דבר נשא דשבקין#1#״ ליה מרודוי חפיין על חיטאוי׃
Ps 32:2 \טב למשה בר עמרם ״טובוהי דבר נשא#1#״ דלא חשיב יהוה ליה עויין בדיל דלא הות ברוחיה נכלא׃
Ps 32:3 מטול״ארום#1#״ דשתקית מן פתגמי אורייתא בליין גרמיי בנהמותי כולא יומא׃
Ps 32:4 ארום יימם ולילי תקיפת״תוקפך#1#״ עלי מחתך איתהפיך רוטבי היך שרבא דקייטא לעלמא׃
Ps 32:5 חובתי אודעינך ועויתי לא חפית אמרית אודי על מרודיי קדם יהוה ואת״ואנת#1#״ שבקתא עויית חובי לעלמין׃
Ps 32:6 מטול דא יצלי כל חסידא קדמך״לוותך#1#״ לעידן רעותיה לחוד לעידן דייתון עממין סגיאין היך מיא לותיה לא ימטון למבאשא״לאבאשא#1#״׃
Ps 32:7 את״אנת#1#״ הוא יהוה טמור לי ממעיקא״בסיטרך#1#״ תנטרינני ביעת שזבותא תחזרינני לעלמא׃
Ps 32:8 אשכלינך ואליפינך באורחא דנן תהך אימלכינך ואישוי עלך לטבא עייני׃
Ps 32:9 לא תהוון כסוסיא והיך כודנא דלית בהום ביונא בזממא ופרומביא תיקוניה לאיתחסמא כחדא לא יתקרב״יקרב#1#״ לותך׃
Ps 32:10 סגיאין כיבין לרשיעא ודכלי״ודרחיץ#1#״ ביהוה טיבותא יחזריניה׃
Ps 32:11 חדו במימרא דיהוה ובעו״ובועו#1#״ צדיקיא ושבחו כל תריצי לבא״רעיונא#1#״׃