Ps 39:1 לשבחא על מטרת בית מוקדשא על פומיה יידותון תושבחתא לדוד׃
Ps 39:2 אמרית אנטור אורחי מלמחטי בלישני אנטור לפומי זממא בדאית רשיעא לקיבלי׃
Ps 39:3 אתאלמית שתקית בטלית מן פתגמי אוריתא מטול היכנא כיבי ממרטיט׃
Ps 39:4 רתח לבי בגושמי ברינני תדלק״תבער#1#״ אשתא מלילית בלישני׃
Ps 39:5 אודע \לי אורח ״יתי ייי#1#״ סופי ומישחתא דיומי מנא אינון אידע אימתי אפסוק מן עלמא׃
Ps 39:6 \״הא#1#״ קלילין סדרתא יומי וגושמי כלא לקבלך ברם כולא ללמא חשיבין ברם כולהון צדיקיא קיימין לחיי עלמא׃
Ps 39:7 ברם בדיוקנא דיהוה יתהלך״מהלך#1#״ גברא ברם למא משתגשין כניש ולא חכים מטול מנא מן כנשינון׃
Ps 39:8 וכדון מנא״#1#״ סברית יהוה אוריכותי לותך היא׃
Ps 39:9 מן כולהון מרדי פצי יתי חסודי סכלא לא תשוי עלי׃
Ps 39:10 איתאלמית ולא אפתח פומי מטול די אנת״את#1#״ עבדתא׃
Ps 39:11 עדי״אעדי#1#״ מעלי מכתשך ממחת גבורת ידך אנא שיציתי׃
Ps 39:12 במכסנותא על חובא יתרדי״את רדי#1#״ בר נשא ומסיית היך עמר דאיתגרדים גושמיה ברם למא כל בר נשא לעלמא׃
Ps 39:13 קביל צלותי יהוה ובעותי אצית״צילית אודנך#1#״ ולדמעתי לא תשתוק ארום היך גיורא אנא גבך תותבא היך כולהון אבהתי׃