Targum, Psalms, Chapter 059

?

단축키

Prev이전 문서

Next다음 문서

ESC닫기

크게 작게 위로 아래로 댓글로 가기 인쇄
Ps 59:1 לשבחא על עקתא בזמן די אמר דוד לא תחבל על יד דוד מכיך ושלים כד שדר שאול ונטרו ית ביתא \״מטול#1#״
Ps 59:2 פצי יתי מבעלי דבבי אלהי מן קיימין עלי תשזבינני׃
Ps 59:3 פצי יתי מעבדי שקר ומן גוברין קטולין פרוק יתי׃
Ps 59:4 ארום הא כמנו לנפשי מתכנשין עלי עשינין לא על״מטול#1#״ סורחני ולא על״מטול#1#״ חובי יהוה׃
Ps 59:5 עד לא עווין רהטין ומסדרין קרבא״#1#״ אתגבר לקדמותי וחמי׃
Ps 59:6 ואנת יהוה אלהים צבאות אלהא דישראל איתער למסער על כל עממיא לא תחוס כל שליטי שקר לעלמין׃
Ps 59:7 יתובון לרמשא יתרגשון היך ככלב ויחזרון קרתא׃
Ps 59:8 הא יבועון בפומהון מיליא דשנינן היך סייפא בספוותיהון אמרין נתגבר ארום מן הוא די שמע ויתפרע׃
Ps 59:9 ואנת יהוה תגחיך להון תתלעב לכל עממיא׃
Ps 59:10 עושני לותך אנטור ארום אלהא שזבותי׃
Ps 59:11 אלהא טובי יקדמינני אלהא יחמינני נקמתא במעיקי׃
Ps 59:12 לא תקטלינון מן יד דילמא יתנשון עמי טלטל יתהון מן בתיהון בתוקפך ותמסכן יתהון מן ממוניהון תריסנא יהוה׃
Ps 59:13 מטול חובת פומהון וממלל סיפוותהון יתאחדן בגיותנותהון ארום מן מומתא ומן שקרא ישתעיין׃
Ps 59:14 שיצי יתהון בכלו שיצי יתהון עד די ליתינון וינדעון ארום אלהא שליט ביעקב לסייפי ארעא לעלמין׃
Ps 59:15 ויתובון לרמשא יתרגשון היך ככלב ויחזרון קרתא׃
Ps 59:16 הינון״אינון#1#״ יטלטלון למיבז ביזתא למיכל ולא יניחון עד די יסבעון ויביתון׃
Ps 59:17 ואנא אשבח עושנך ואבוע לעידן צפרא טובך ארום הויתא משזיב לי ורוחצני ביומא דעייק לי׃

Articles

1 2 3 4 5 6 7 8 9 10 11 12 13 14 15