Ps 79:1 תושבחא על ידוי דאסף על חורבן בית מקדשא אמר ברוח נבואה אלהים עלין עמיא״עממיא#1#״ באחסנתך סאיבו ית היכל קדשך שויאו ית ירושלם לצדו״לצדיו#1#״׃
Ps 79:2 יהבו ית גושמי עבדך למיכלא לעופא דשמיא בסר חסידך לחיות ארעא׃
Ps 79:3 שדון אדימהון היך מיא חזרנות ירושלם ולית דקביר׃
Ps 79:4 הוינא קלנא לשיבבנא תולעבא וגוחכא לחזרניתנא׃
Ps 79:5 עד אימתי יהוה תתקוף לעלמי תבער״תתבער#1#״ היך אשא טנניתך״טננך#1#״׃
Ps 79:6 שדי חימתך על עממיא דלא חכימו יתך ועל מלכוותא די״ארי#1#״ בשמך לא צליאו׃
Ps 79:7 ארום גמרו \״ית#1#״ בית יעקב וית בית מקדשיה אצדיאו׃
Ps 79:8 לא תדכר \״לנא#1#״ עלוון״#1#״ עיווין דמן שירויא בסרהוביא יקדמון לך טבוותך ארום איתמסכננא לחדא׃
Ps 79:9 סעיד יתנא אלהא פורקננא מטול איקר שמך ופרוק יתנא וכפר על חובנא בגלל שמך׃
Ps 79:10 למה יימרון עמיא״עממיא#1#״ אן״האן#1#״ אלההון יתגלי בעמיא למחמ{נ}יינא פורענות אדם עבדך דאשתפיך׃
Ps 79:11 תיעול קדמך אנקתא דאסירי היך סוגי תקוף אדרעך שרי בניא דמתמסרין למיתותא׃
Ps 79:12 ואתיב לשיבבנא על חד שבעה גומלא על פורענות קיימיהון וחיסודן די חסדו יתך יהוה׃
Ps 79:13 ואנחנא עמך ועאן רעייתך נודי קדמך לעלם דרי״#1#״ לדרי דריא נתני תושבחתך׃