Ps 92:1 שבחא ושירא די אמר אדם קדמאה על יומא דשבתא׃
Ps 92:2 טב לאודאה קדם יהוה ולשבחא שמך עילאה׃
Ps 92:3 לתנאה״לתנויי#1#״ בצפרא טובך וקושטך בלילון׃
Ps 92:4 על פום כנורא דעשרתי נימין ועל פום ניבלא עלי ריננת כינרייא׃
Ps 92:5 ארום אחדיתני יהוה בעובדך בעובדי אידך אביע״אבוע#1#״׃
Ps 92:6 כמה \״הינון#1#״ רברבין עובדך יהוה לחדא עמיקין מחשבתך׃
Ps 92:7 בר נש שטיא״טפשא#1#״ לא ידע וכסילא״ושטיא#1#״ לא יתביין ית דא׃
Ps 92:8 כד מיתלבלבן רשיעיא היך עסבא ונצצין כל עבדי שקר ועתיד דישצינון אלהא עד עלמא׃
Ps 92:9 ואת״ואנת#1#״ רמא ועילאה בעלמא הדין יהוה ואת״ואנת#1#״ רמא ועילאה לעלמא דאתי׃ \״{ת׳׳א} ואנת ידך עיליתא לאיתפרעא מן חייביא לעלמא דאתי ליום דינא רבא ייי ואנת ידך עיליתא למיתן אגר טב לצדיקיא לעלמא דאתי ייי#1#״׃
Ps 92:10 ארום הא בעלי דבך \״מצלחין בעלמא הדין#1#״ יהוה ארום הא בעלי דבבך יהובדון לעלמא דאתי ומתפרשין מן סיעתהון דצדיקיא כל עבדי שקר׃
Ps 92:11 וזקיפתא היך רימנא תוקפי רביתא יתי במשח רבותא רטיבא דזית עבוף׃
Ps 92:12 ואיסתכלת עייני בהובדנא דמעיקי בקיימין עלי לאבאשא שמען אודני קל תברהון׃
Ps 92:13 צדיקא היך דיקלא ילבלב פירין היך ארזא בליבנן יסגא ויעביד שרשין׃
Ps 92:14 בנוי יהויין שתילין בבית מקדשא דיהוה בדרת בית אלהנא ילבלבון׃
Ps 92:15 תוב כאבהתהון יעבדון בנין בשיבו דהינין ורטיבין יהון׃