Ps 97:1 יהוה מלך תדוץ ארעא יחדון נגוואן סגיעין׃
Ps 97:2 ענני יקרא ואמיטתא חזור חזור די ליה צדקתא ודינא אתר די מכוון כורסיה׃
Ps 97:3 אשא קדמוי תהלך ומצלהבא \״ומשרבב#1#״ חזור חזור מעיקוי׃
Ps 97:4 מנהרין ברקוי תבל חמת ואתחלחלת ארעא׃
Ps 97:5 טוריא היך שעוא יתמסון מן קדם יהוה מן קדם ריבון כל ארעא׃
Ps 97:6 יתניין אנגלי מרומא צדקתיה ויחמון כל עמיא״עממיא#1#״ איקריה׃
Ps 97:7 יבהתון כל פלחי פיסלא דמשתבחין בטעותא ויסגדון קדמוי כל עמיא פלחי טעותא׃
Ps 97:8 שמעת וחדת״וחדיאת#1#״ כנישתא דציון ודייצן בנתא דבית יהודה מן בגלל דינייך יהוה׃
Ps 97:9 ארום את הוא״#1#״ יהוה עילאה על כל יתבי ארעא לחדא אתעלית על כל דחליא׃
Ps 97:10 רחימיא דיהוה סנו ביש מטול דקיריס נטיר נפשת חסידוי מן אידיהון דרשיעי יפצי אינון׃
Ps 97:11 נהור דנח ומיטמר לצדיקיא ולתריצי ליבא חדווא׃
Ps 97:12 חדון צדיקיא במימרא דיהוה ואודון לדוכרן שום קודשיה׃