Ps 144:1 על יד דוד בריך יהוה תוקפי דמאליף אידי לסדרי קרב אצבעותי לאגחא קרבא׃
Ps 144:2 עבד טיבו״טובי#1#״ וכרך תקיפי״#1#״ תוקפי ומשזיב יתי תריסי ובמימריה סברית \די מרדד״דמכביש#1#״ עמין״עממיא#1#״ תחותי׃
Ps 144:3 יהוה מה הוא בר נש דחכימתיה בני אנשא וחשבתיה׃
Ps 144:4 בר נש ללמא אידמא יומוי היך טולא דעבר׃
Ps 144:5 יהוה ארכין שמיא ותתגלי קרב בטוריא ומסקין תננא׃
Ps 144:6 אבריק ברקא ובדרינון שדר גיררין ותשגשינון׃
Ps 144:7 אושיט ידך מן שמי מרומא פצי יתי ושיזיב יתי מאוכלוסין דמתילין למיין סגיעין מן ידהון דבני נוכראין׃
Ps 144:8 די פומהון ממליל מומתא דמגן ואוריתהון אורית שקרא׃
Ps 144:9 אלהים שבח חדת אשבח קדמך בנבלא עסרתי נימין אזמר קדמך׃
Ps 144:10 דיהב פורקן למלכיא דפצי ית דוד עבדיה מחרבא בישא דגלית׃
Ps 144:11 פצי יתי ושיזיב יתי מידיהון דבני נוכראין די פומהון מליל מומתא דמגן ואוריתהון אורית שקרא׃
Ps 144:12 דבננא כנציבין דדקלין באולפן אוריתא רביין״דכיין#1#״ מן טליותהון בנתנא זיותנין וכשרין לכהניא דמשמשין במצע היכלא׃
Ps 144:13 תוסברינא מליין מספקן מן שתא לשתא עננא מילדן״מולידן#1#״ אלפיא מפשן ריבבותא״ברבוואתא#1#״ באשקקנא׃
Ps 144:14 תורינא מרי מטול לית תקוף ולא״ולית#1#״ מפקא בישא ולית צווחת בכייתא בפלטיתנא״בפלטייתא#1#״׃
Ps 144:15 טובוי דעמא דהכדין ליה טובוי דעמא דיהוה אלהיה׃