Targum, Isaiah, Chapter 04

Isa 4:1 וְיַתקְפָן שְבַע נְשִין בְגֻברָא חַד בְעִדָנָא הַהוּא לְמֵימַר מִדִילַנָא נֵיכוּל וֻמִדִילַנָא נִתכַסֵי לְחוֹד יִתקְרֵי שְמָך עְלַנָא כְנוֹש בַהְתַנָא״חסודנא#3#״׃
Isa 4:2 בְעִידָנָא הַהוּא יְהֵי מְשִיחָא דַיוי לְחַדוָא וְלִיקָר וְעָבְדֵי אוֹרָיתָא לִרבוּ וֻלתוּשבְחָא״ולתושבחתא#3#״ לְשֵיזָבַת יִשׂרָאֵל׃
Isa 4:3 וִיהֵי דְיִשתְאַר״דאישתאר#3#״ יְתוּב לְצִיוֹן וְדַעְבַד אוֹרָיתָא יִתקַיַים בִירוּשְלַם קַדִיש יִתאְמַר לֵיה כָל דִכתִיב בְחַיֵי״לְחַיֵי#2#״ עָלְמָא יִחזֵי בְנַחָמַת יְרוּשְלַם׃
Isa 4:4 אִם יַעדֵי יוי יָת תוּגאְלָת בְנָת צִיוֹן וְיָת אָשְדֵי דַם זַכַי דְבִירוּשְלַם יַגלֵי״יַעדֵי#3#״ מִגַוַה בְמֵימַר דִין וֻבמֵימַר גְמֵירָא׃
Isa 4:5 וְיִברֵי יוי עַל כָל מַקדַש טוּרָא דְצִיוֹן וְעַל אְתַר בֵית שְכִינְתָא״שכינתהא#3#״ עְנַן יְקָר יְהֵי מַטַל עִלָווֹהִי״עְלוֹהִי#3#״ בִימָמָא וַאְמִיטְתָא כְאִישָא שַלהוֹבִי בְלֵיליָא אְרֵי יַתִיר מִן יְקָרָא דַאְמִיר לְאֵיתָאָה עְלוֹהִי שְכִינְתָא תְהֵי מַגְנָא עְלוֹהִי כִגנוּן׃
Isa 4:6 וְעַל יְרוּשְלַם תְהֵי מְטַלַת עְנָנִי לְאַטָלָא עְלַה בִימַם מִשְרַב וֻלבֵית סְתַר וֻלאַגָנָא מִזָרָמִית וֻמִמְטַר׃