Targum, Isaiah, Chapter 44

Isa 44:1 וֻכעַן שְמַע יַעְקֹב עַבדִי וְיִשׂרָאֵל דְאִתרְעִיתִי בֵיה׃
Isa 44:2 כִדנָן אְמַר יוי דְעָבְדָך וֻדאַתקְנָך מִמְעַיִן יְסַעְדִינָך לָא תִדחַל עַבדִי יַעְקֹב וִישוּרוּן״וְיִשׂרָאֵל#3#״ דְאִתרְעִיתִי בֵיה׃
Isa 44:3 אְרֵי כְמָא דְמִתיַהבִין מַיָא עַל אְרַע בֵית צַהוָנָא וֻמִתנַגדִין עַל יַבַשתָא כֵין אַתֵין רוּחַ קוּדשִי עַל בְנָך וֻבִרכְתִי עַל בְנֵי בְנָך׃
Isa 44:4 וְיִתרַבוֹן צַדִיקַיָא רַכִיכִין וֻמפֻנְקִין כְלַבלַבֵי עְסַב כְאִילָן דִמשַלַח שוּרשוֹהִי עַל נִגדִין דְמַיִין׃
Isa 44:5 דֵין יֵימַר מִדָחְלַיָא דַיוי אְנָא וְדֵין יְצַלֵי בְשוֹם״בְשוּם#2#״ יַעְקֹב וְדֵין יְקָרֵיב קוּרבָנֵיה קְֹדָם יוי וֻבִשמָא דְיִשׂרָאֵל יִתקָרַב׃
Isa 44:6 כִדנָן אְמַר יוי מַלכֵיה דְיִשׂרָאֵל וֻפָרְקיֵה יוי צְבָאוֹת אְנָא הוּא אְנָא הוּא דְמִלְקַדמִין אַף עָלְמֵי עָלְמַיָא דִילִי אִנוּן וֻבָר מִנִי לֵית אְלָה׃
Isa 44:7 וֻמַן כְוָתִי דִיעָרְעִינַה וִיחַוֵינַה וִיסַדְרִינַה קְֹדָמַי מִשַוָיוּתִי עַמָא דְמִן עָלְמָא וֻדאַתיָן וְדַעְתִידָן לְמֵיתֵי יְחַווֹן לַנָא׃
Isa 44:8 לָא תִדחְלוּן וְלָא תִיתַברוּן הְלָא מִבְכוֹן״מִבְכֵין#2#״ בַסַרתָך וְחַוִיתִי וְאַתוּן סָהְדִין קְֹדָמַי הְאִית אְלָה בָר מִנִי וְלֵית דְתַקִיף אְלָהֵין דְמִן קְֹדָמַי מִתיְהֵיב לֵיה״לְכוֹן#2#״ תְקוֹף׃
Isa 44:9 עָבְדֵי צַלמָא כוּלהֵון לָמָא וֻפָלְחֵיהוֹן דְלָא יַהנוֹן לְהוֹן וְסָהְדִין אִינוּן בְנַפשָתְהוֹן דְלָא חָזַן וְלָא יָדְעִין בְדִיל דְיִבַהתוּן׃
Isa 44:10 מַן עְבַד דַחלָא וְצַלמָא אַתֵיך בְדִיל דְלָא לַהְנָאָה׃
Isa 44:11 הָא כָל פָלְחֵיהוֹן יִבַהתוּן וְאוּמָנִין עְבַדוּנִין מִבְנֵי אְנָשָא יִתכַנשוּן כוּלְהוֹן יְקוּמוּן יִתַברוּן וְיִבַהתוּן כַחדָא׃
Isa 44:12 נַפָחָא מִבַרזְלָא חְצִינָא עָבֵיד וְנָפַח נוּר בְשִיחוֹרִין וֻבמַקוֹביָן מְתַקֵיף לֵיה וְעָבֵיד לֵיה בִתקוֹף חֵילֵיה דְאִם יִכפַן עָבְדֵיה וְלָא יִכוֹל לָא יְהֵי בֵיה חֵיל וְאִם יִצהֵי וְלָא יִשתֵי מַיָא יְהֵי מְשַלהֵי׃
Isa 44:13 נַגָרָא אָעִין נָפֵיץ בְחוּטָא מָסַר לֵיה בְמַשקֻלתָא מְגַזֵי לֵיה בְאוּזמֵילָא וֻבנָצוֹרִין מְאַחֵיד לֵיה וְעָבֵיד לֵיה כִדמוּת גְבַר כְתֻשבְחָת אִתָא״איִתְתָא#2#״ יָתְבַת בֵיתָא׃
Isa 44:14 לְמִקַץ לֵיה אַרזִין וְנָסֵיב תְרַן״תוֹרַז#2#״ וֻבַלוּט וֻמתַקֵיף״וֻמתַקֵין#2#״ לֵיה בְאָעֵי חֻרשָא נְצַב אוּרנָא וֻמִטרָא מְרַבֵי׃
Isa 44:15 וְהָוֵי לַאְנָשָא לְאַדלָקָא וֻנסֵיב מִנְהוֹן וֻשחֵין אַף אָזָא וַאְפָא לְחֵים אַף עַבדֵיה דַחלָא וֻסגֵיד אַתְכֵיה צַלמָא וֻבעָא מִנֵיה׃
Isa 44:16 פַלגֵיה אוֹקֵיד בְנוּרָא עַל פַלגֵיה \אְכַל בִסרָא ״בִסרָא אְכַל#2#״ טְוָא טְוָא וֻסבַע אַף שְחֵין וַאְמַר אָח שְחֵינִית חְזֵיתִי נוּר״נוּרָא#2#״׃
Isa 44:17 וֻשאָרֵיה לְדַחלָא עְבַד לְצַלמָא סְגֵיד וְאִשתַעבַד לֵיה וֻבעָא מִנֵיה וַאְמַר שֵיזֵיבנִי אְרֵי דַחלְתִי אַת׃
Isa 44:18 לָא יָדְעִין וְלָא מִסתַכְלִין אְרֵי מִטַמטְמָן מִלְמִחזֵי עֵינֵיהוֹן מִלְאִסתַכָלָא בְלִבְהוֹן׃
Isa 44:19 וְלָא מְתִיב לְלִיבֵיה וְלָא מַדַע וְלָא סוּכלְתָנוּ לְמֵימַר פַלגֵיה אוֹקֵידִית בְנוּרָא וְאַף אְפֵיתִי עַל גֻמרוֹהִי לְחֵים טְוֵית בִסרָא וַאְכַלִית וֻשאָרֵיה לְתוֹעֵיבָא אַעְבֵיד לִבלִי אָעָא״אָע#2#״ אַסגוֹד׃
Isa 44:20 הָא דַחלְתֵיה פַלגַה קִטמָא לִבֵיה שָטיָא אַטעְיֵיה וְלָא יְשֵיזֵיב יָת נַפשֵיה וְלָא יֵימַר הְלָא שִקרָא עְבַדַת יְמִינִי׃
Isa 44:21 אִידְכַר אִלֵין יַעְקֹב וְיִשׂרָאֵל אְרֵי עַבדִי אַת אַתקֵינתָך לְמִהוֵי עַבַד פָלַח קְֹדָמַי אַת יִשׂרָאֵל לָא תִתנְשֵי דַחלְתִי׃
Isa 44:22 מְחֵיתִי כְעֵיבָא חוֹבָך וְכַעְנַן דְעָדֵי״עָדֵי#2#״ כָל חְטַאַך תוּב לְפֻלחָנִי אְרֵי פְרַקתָך׃
Isa 44:23 שַבַחוּ שְמַיָא אְרֵי עְבַד יוי פוּרקַן לְעַמֵיה יַבַעוּ״יבועו#3#״ יְסוֹדֵי אַרעָא בוּעוּ טוּרַיָא תֻשבְחָא חוּרשָא וְכָל אִילָנַיָא דְבֵיה אְרֵי פְרַק יוי יַעְקֹב וֻביִשׂרָאֵל יִשתַבַח׃
Isa 44:24 כִדנָן אְמַר יוי דְפָרְקָך וֻדאַתקְנָך מִמְעַיִין אְנָא יוי עָבֵיד כוֹלָא תְלֵית שְמַיָא בְמֵימְרִי שַכלֵילִית אַרעָא בִגבוּרְתִי׃
Isa 44:25 מְבַטֵיל אָתְוָת בִדִין וְקָסוֹמִין מְשַגֵיש מְתִיב חַכִימַיָא לְאַחרָא וְדַעתְהוֹן מְקַלקֵיל׃
Isa 44:26 מְקִים פִתגָם עַבדוֹהִי צַדִיקַיָא וֻמֵילַך שְלִיחוֹהִי מַשלֵים דַאְמַר לִירוּשלַם תִתיַתַב וֻלקִרוַיָא דְבֵית יְהוּדָה יִתבַניָן וְחָרבָתַהָא אְקָמֵים׃
Isa 44:27 דְאָמַר עַל בָבַל תִחרוּב וְנַהרַהָא אְיַבֵיש׃
Isa 44:28 דַאְמַר עַל כוֹרַש לְמִיתַן לֵיה מַלכוּ וְכָל רְעוּתִי יְקַיֵים וֻלדַאְמַר לִירוּשלַם תִתבְנֵי וְהֵיכְלָא יִשתַכלַל׃