Isa 65:1 אִשתְאֵילִית בְמֵימְרִי לִדלָא שְאִילוּ מִן קְֹדָמַי תְבַעִית אוּלפַן אוֹרָיתִי לִדלָא תְבַעוּ דַחלְתִי אְמַרִית הָאְנָא מִשתְאֵיל תְדִירָא כָל יוֹמָא לְעַם דְלָא מְצַלֵי בִשמִי׃
Isa 65:2 שְלַחִית נְבִיַי כָל יוֹמָא לְוָת עַמָא סָרְבָנָא דְאָזְלִין בְאוֹרַח לָא תָקְנָא בָתַר עַשתוֹנֵיהוֹן׃
Isa 65:3 עַמָא דְמַרגְזִין עַל מֵימְרִי קְֹדָמַי תְדִירָא דָבְחִין בְגִנֵיאַך טָעַוָתָא וֻמַסְקִין בֻסמִין עַל לִבנַיָא׃
Isa 65:4 דְיָתְבִין בְבָתַיָא דְבָנַן מֵעְפַר קִברַיָא וְעִם פִגרֵי בְנֵי אְנָשָא דָיְרִין אָכְלִין בְסַר חְזִירָא וֻרשַף״וֻרטַף#2#״ פִיגוּל בְמָנֵיהוֹן׃
Isa 65:5 דְאָמְרִין רְחַק לְהַלאָה לָא תִקרַב בִי אְרֵי אְנָא דְכֵינָא מִנָך אִלֵין רֻגזְהוֹן כְתַנְנָא קְֹדָמַי פוֹרעָנוּתְהוֹן בְגֵיהִנָם דְאִשָתָא דָלְקָא בַה כָל יוֹמָא׃
Isa 65:6 הָא כְתִיבָא קְֹדָמָי לָא אַתֵין לְהוֹן אַרכָא בְחַיַיָא אְלָהֵין אֲשַלֵים״#2#״ לְהוֹן פוֹרעָנוּת חוֹבֵיהוֹן וְאַמסַר לְמוֹתָא תִניָנָא יָת גִויָתְהוֹן׃
Isa 65:7 חוֹבֵיכוֹן וְחוֹבֵי אְבָהָתְכוֹן גְלַן קְֹדָמַי כַחדָא אְמַר יוי דְאַסִיקוּ בוּסמִין עַל טוּרַיָא וְעַל רָמָתָא חַסִידוּ קְֹדָמַי וְאַתֵין אְגַר עוּבָדֵיהוֹן בְקַדמֵיתָא עַל״#2#״ חַנהוֹן׃
Isa 65:8 כִדנָן אְמַר יוי כְמָא דְאִשתְכַח נֹחַ זַכַי בְדָרָא דְטוֹפָנָא וַאְמַרִית דְלָא לְחַבָלוּתֵיה בְדִיל לְקַייָמָא עָלְמָא מִנֵיה כֵין אַעְבֵיד בְדִיל עַבדַי צַדִיקַיָא בְדִיל דְלָא לְחַבָלָא כוֹלָא׃
Isa 65:9 וְאַפֵיק״וְאַפֵיקִית#2#״ מִיַעְקֹב זַרעָא וֻמִיהוּדָה יָרֵית טוּרַי וְיַחסְנוּנַה בְחִירַי וְעַבדַי צַדִיקַיָא יִשרוֹן תַמָן׃
Isa 65:10 וִיהֵי שָרוֹנָא לְבֵית מִשרֵי עַדרִין דְעָן וֻמֵישַר עָכוֹר לְבֵית אַרבְעָה״רבעה#3#״ בַקרָן דְתוֹרִין לְעַמִי דִתבַעוּ דַחלְתִי׃
Isa 65:11 וְאַתוּן בֵית יִשרָאֵל שְבַקתוּן פֻלחָנָא דַיוי אִתנְשִיתוּן יָת פֻלחַן טוּרָא דְקֻדשִי דִמסַדְרִין לְטָעֲוָתָא״לְטָעְוָן#2#״ פָתוּרִין וֻממַזְגִין לְדַחלַתהוֹן אַגָנִין׃
Isa 65:12 וְאַמסַר יָתְכוֹן לְחַרבָא וְכֻלְכוֹן לְקַטלָא תִתמַסרוּן חְלָף דִשלַחִית נְבִיַי וְלָא תַבתוּן אִתנַבִיאוּ וְלָא קַבֵילתוּן וַעְבַדתוּן דְבִיש קְֹדָמַי וֻבִדלָא צְבֵינָא אִתרְעִיתוּן׃
Isa 65:13 בְכֵין כִדנָן אְמַר יוי אְלֹהִים הָא עַבדַי צַדִיקַיָא יֵיכְלוּן וְאַתוּן רַשִיעַיָא תִכפְנוּן הָא עַבדַי צַדִיקַיָא יִשתוֹן וְאַתוּן רַשִיעַיָא תִצהוֹן הָא עַבדַי צַדִיקַיָא יִחדוֹן וְאַתוּן רַשִיעַיָא״#2#״ תִיבַהתוּן׃
Isa 65:14 הָא עַבדַי צַדִיקַיָא יְשַבְחוּן מִטוּב לֵב וְאַתוּן תַצוְחוּן מִכְאֵב לֵב וֻמִתְבָר רוּחַ תְיֵילְלוּן
Isa 65:15 וְתִשבְקוּן שוּמְכוֹן לְקַיָימָא״לִקיָמָא#2#״ לִבחִירַי וִימִיתְכוֹן יוי אְלֹהִים מוֹתָא תִניָנָא וֻלעַבדוֹהִי צַדִיקַיָא יִתקְרֵי״יִקרֵי#2#״ שְמָא אוּחרָנָא׃
Isa 65:16 דִמבָרֵיך בְאַרעָא יְבָרֵיך בֵאלָהָא קְיָימָא וְדִמקַיֵים בְאַרעָא יְקַיֵים בֵאלָהָא קְיָימָא אְרֵי יִתנַשָין עָקָתָא קַדמַיָתָא וַאְרֵי מְסֻתְרָן מִן קְֹדָמָי׃
Isa 65:17 אְרֵי הָאְנָא בָרֵי שְמַיָא חֲדַתִין וְאַרעָא חֲדַתָא וְלָא יִדַכרָן קַדמַיָתָא וְלָא יִתַסְקָן עַל לֵב׃
Isa 65:18 אְלָהֵין \יִחדוֹן וִיבוּעוּן ״יְבוּעוּן#2#״ בְעָלַם עָלְמַיָא דַאְנָא בָרֵי אְרֵי הָאְנָא בָרֵי יָת יְרוּשלַם בְיָעָא וְעַמַה חָדֵי׃
Isa 65:19 וַאְבוּעַ בִירוּשלַם וְיִחדוֹן בַה עַמִי וְלָא יִשתְמַע בַה עוֹד״#2#״ קָל דְבָכַן וְקָל דְמַצוְחִין׃
Isa 65:20 לָא יְהֵי מִיתַמָן עוֹד יָנִיק יוֹמִין וְסָבָא דְלָא יַשלֵים״יְשַלִים#2#״ יָת״#2#״ יוֹמוֹהִי אְרֵי דְחָאֵיב עוֹלֵים בַר מְאָה שְנִין יְהֵי מָאִית וֻדחָטֵי בַר מְאָה שְנִין יִתָרַך׃
Isa 65:21 וְיִבנוֹן בָתִין וְיִתְבוּן וְיִצְבוּן כַרמִין וְיֵיכְלוּן אִבְהוֹן׃
Isa 65:22 לָא יִבנוֹן וְאָחרָנִין יִתְבוּן לָא יִצבוּן וְאָחרָנִין יֵיכְלוּן אְרֵי כְיוֹמֵי אִילָן חַיַיָא יוֹמֵי עַמִי וְעוֹבָד יְדֵיהוֹן יְבַלוֹן בְחִירָי׃
Isa 65:23 לָא יַהלוֹן לְרֵיקָנוּ וְלָא יְרַבוֹן לְמוֹתָא אְרֵי זַרעָא דְבָרְכֵיה יוי אִנוּן וֻבנֵי בְנֵיהוֹן עִמְהוֹן׃
Isa 65:24 וִיהֵי עַד לָא יְצַלוֹן קְֹדָמַי אְקַבֵיל צְלוֹתְהוֹן וְעַד לָא יִבעוֹן מִן קְֹדָמַי אַעְבֵיד בָעוּתְהוֹן׃
Isa 65:25 דֵיבָא וְאִימְרָא יִרעוֹן כַחדָא וְאַריָא כְתוֹרָא יֵיכוֹל תִבנָא וְחִויָא עַפרָא מְזוֹנֵיה לָא יַבאְשוּן וְלָא יְחַבְלוּן בְכָל טוּרָא דְקוּדשִי אְמַר יוי׃