Ezek 3:1 וַאֲמַר לִי בַר אָדָם יָת דְמִתיְהֵיב לָך קַבֵיל״#3#״ קַבֵיל מָא דִכתִיב בִמגִלְתָא הָדָא וְאִיזֵיל אִתנַבִי״ואיתנבי#3#״ עַל בֵית יִשרָאֵל׃
Ezek 3:2 וְאַרכֵינִית יָת נַפשִי וְאַחכְמַנִי מָא״יָת#3#״ דִכתִיב בִמגִלְתָא הָדָא׃
Ezek 3:3 וַאֲמַר לִי בַר אָדָם נַפשָך תְסַבַע וֻמעָך תְמַלֵי אִם תְקַבֵיל מָא דִכתִיב בִמגִלְתָא הָדָא דַאֲנָא יָהֵיב לָך וְקַבֵילתָה וַהֲווֹ פִתגָמַהָא בְפוּמִי כִדבַש חֲלֵי׃
Ezek 3:4 וַאֲמַר לִי בַר אָדָם אֵיתַא אִיזֵיל לְוָת בְנֵי״בית#3#״ יִשרָאֵל וְתִתנַבֵי בְפִתגָמֵי נְבוּאֲתִי לְהוֹן׃
Ezek 3:5 אֲרֵי לָא לְוָת עַם עַמִיקֵי מַמלַל וְיַקִירֵי לִישָן אַת שְלִיַח לְאִתנַבָאָה אֲלָהֵין עַל״לות#3#״ בֵית יִשרָאֵל׃
Ezek 3:6 לָא לְוָת עַמְמִין״עממיא#3#״ סַגִיאִין עַמִיקֵי״תַקִיפֵי#3#״ מַמלַל וְיַקִירֵי לִישָן דְלָא תִשמַע פִתגָמֵיהוֹן אִלוּ לְוָתְהוֹן שְלַחתָך אִנוּן יְקַבְלוּן מִנָך׃
Ezek 3:7 וֻבֵית יִשרָאֵל לָא יֵיבוֹן לְקַבָלָא מִנָך אֲרֵי לֵיתִינוּן צָבַן לְקַבָלָא לְמֵימְרִי אֲרֵי כָל בֵית יִשרָאֵל חַצִיפֵי אַפִין וְתַקִיפֵי לְבָא אִנוּן׃
Ezek 3:8 הָא יְהַבִית יָת בֵית אַפָך״אפך#3#״ תַקִיף כִקבֵיל״לקביל#3#״בקביל#3#״ בֵית אַפֵיהוֹן וְיָת בֵית עֵינָך חַסִין כִקבֵיל״לקביל#3#״בקביל#3#״ בֵית עֵינֵיהוֹן׃
Ezek 3:9 כְמָא דְשַמִירָא תַקִיף מִטִנָרָא כֵין יְהַבִית יָת בֵית עֵינָך חַסִין״#3#״ כִקבֵיל״#3#״ בֵית עֵינֵיהוֹן״בית אפיהון#3#״ לָא תִדחַל מִנְהוֹן וְלָא תִתְבַר מִן קְֹדָמֵיהוֹן אֲרֵי עַם סָרְבָן אִנוּן׃
Ezek 3:10 וַאֲמַר לִי בַר אָדָם יָת כָל פִתגָמַי דַאֲמַלֵיל עִמַך קַבֵיל בְלִיבָך וֻבאוּדנָך שְמַע׃
Ezek 3:11 וְאֵיתַא אִיזֵיל לְוָת בְנֵי גָלוּתָא לְוָת בְנֵי עַמָך וְתִתנַבֵי לְהוֹן וְתֵימַר לְהוֹן כִדנָן אֲמַר יוי אֲלֹהִים אִם יְקַבְלוּן אֻלפָן וְאִם יִתמַנעוּן מִלְמִחטֵי׃
Ezek 3:12 וֻנטַלַתנִי רוּחָא וֻשמַעִית בָתְרַי קָל זְיָע סַגִי דִמשַבְחִין וְאָמְרִין בְרִיך יְקָרָא דַיוי מֵאֲתַר בֵית שְכִינְתֵיה׃
Ezek 3:13 וְקָל גַפֵי״כַנפֵי#2#״ בִריָתָא נָקְשִין חַד לְחַד וְקָל גִלגְלַיָא לְקִבלְהוֹן וְקָל זְיָע סַגִי׃
Ezek 3:14 וְרוּחָא נְטַלַתנִי וֻנסֵיבַתנִי וַאֲזַלִית בִמרָר בִתקוֹף רוּחִי וֻנבוּאָה מִן קְֹדָם יוי עֲלַי תְקֵיפַת׃
Ezek 3:15 וַאֲתֵית לְוָת בְנֵי גָלוּתָא לְתֵל אָבִיב דְיָתְבִין עַל נְהַר כְבָר וְנַחִית בֵינֵיהוֹן אִנוּן יָתְבִין תַמָן וִיתֵיבִית תַמָן שִבעָה יוֹמִין שָתֵיק בֵינֵיהוֹן׃
Ezek 3:16 וַהֲוָה מִסוֹף שִבעָה יוֹמִין וַהֲוָה פִתגָם נְבוּאָה מִן קְֹדָם יוי עִמִי לְמֵימַר׃
Ezek 3:17 בַר אָדָם מַלֵיף מַנִיתָך״יְהַבתָך#3#״ לְבֵית יִשרָאֵל וֻתקַבֵיל מִמֵימַרִי פִתגָם וְתַזהַר יָתְהוֹן מִלְמִחטֵי קְֹדָמַי׃
Ezek 3:18 בִדאֲמַרִית״כד אמרית#3#״ לְרַשִיעָא״לרשיעיא#3#״ מְמָת תְמוּת וְלָא אַזהַרתָהִי״אזהרתני#3#״ וְלָא מַלֵילתָא לְאַזהָרָא רַשִיעָא מֵאוֹרחֵיה דְרִשעָא לְקַיָמוּתֵיה הוּא רַשִיעָא בְחוֹבֵיה יְמוּת וֻדמֵיה מִן יְדָך אַתבַע׃
Ezek 3:19 וְאַת אֲרֵי אַזהַרתָא רַשִיעָא וְלָא תָב מֵחוֹבֵיה וֻמֵאוֹרחֵיה דְרִשעָא הוּא בְחוּבֵיה יְמוּת וְאַת יָת נַפשָך שֵיזֵיבתָא׃
Ezek 3:20 וְכַד יְתוּב זַכָאָה מִזְכוּתֵיה וְיַעֲבֵיד שְקַר וְאַתֵין תַקלַת חוֹבִין קְֹדָמוֹהִי הוּא יְמוּת \אֲרֵי לָא אַזהַרתָהִי בְחוֹבֵיה יְמוּת ״#3#״ וְלָא יִדַכרָן זָכְוָותֵיה דַעֲבַד וֻדמֵיה מִן יְדָך אַתבַע׃
Ezek 3:21 וְאַת אֲרֵי אַזהַרתָהִי״אזהרתא#3#״ לְצַדִיקָא״זכאה#3#״ בְדִיל דְלָא לְמִחטֵי צַדִיקָא וְהוּא לָא חֲטָא מֵיחָא יֵיחֵי אֲרֵי אִזדְהַר וְאַת יָת נַפשָך שֵיזֵיבתָא׃
Ezek 3:22 וֻשרַת עֲלַי תַמָן רוּחַ נְבוּאָה מִן קְֹדָם יוי וַאֲמַר לִי קוּם פוֹק לְבִקעֲתָא וְתַמָן אֲמַלֵיל עִמָך׃
Ezek 3:23 וְקַמִית וֻנפַקִית לְבִקעֲתָא וְהָא תַמָן יְקָרָא דַיוי שְרֵי כִיקָרָא דַחזֵיתִי עַל נְהַר כְבָר וְאִשתַטַחִית עַל אַפָי׃
Ezek 3:24 וַעְלַת בִי רוּחָא וַאְקֵימַתנִי עַל רִגלַי וֻמַלֵיל עִמִי וַאֲמַר לִי״#3#״ עוֹל אִיטְמַר בְגוֹ בֵיתָך׃
Ezek 3:25 וְאַת בַר אָדָם הָא גְזֵירַת פִתגָמִי עֲלָך כַאֲסוּר״כְאֵיסוּר#3#״ גְדִילָן דִאָסְרִין״אסרין#3#״ בְהוֹן וְלָא תִיפוֹק בֵינֵיהוֹן׃
Ezek 3:26 וְלִישָנָך אַדבֵיק לְחִיכָך וְתִשתוֹק וְלָא תְהֵי לְהוֹן לִגבַר מוֹכַח אֲרֵי עַם סָרְבָן אִנוּן׃
Ezek 3:27 וֻבמַלָלוּתִי עִמָך אַרכֵין יָת נַפשָך וְתֵימַר לְהוֹן כִדנָן אֲמַר יוי אֲלֹהִים דִמקַבֵיל יְקַבֵיל אוּלפָן וֻדמִתמְנַע״ודי יתמנע#3#״וֻדיִתמְנַע#3#״ יִתמְנַע מִלְמִחטֵי אֲרֵי עַם סָרְבָן אִנוּן׃