Ezek 40:1 בְעַסרִין וַחֲמֵיש שְנִין לְגָלוּתַנָא בְרֵישַה דְשַתָא בְעַסרָא לְיַרחָא בְאַרבַע עַסרֵי שְנִין בָתַר דְאִיתָרַעַת קַרתָא בִכרַן יוֹמָא הָדֵין שְרָת עֲלַי רוּחַ נְבוּאָה מִן קְֹדָם יוי וְאַעֵיל יָתֵי לְתַמָן׃
Ezek 40:2 בְחֵיזוּ״ברוח#3#״ נְבוּאָה דִשרָת עֲלַי מִן קְֹדָם יוי אַעֲלַנִי לְאַרעָא דְיִשרָאֵל וְאַשרְיַנִי עַל טוּר רָם לַחדָא וַעֲלוֹהִי כְבִניַן קַרתָא מִדָרוֹמָא׃
Ezek 40:3 וְאַעֵיל יָתִי לְתַמָן וְהָא גֻברָא חַזוֵיה כְחֵיזוּ נְחָשָא וְחוּט דְכִיתָנָא בִידֵיה וֻקנֵי מִשחֲתָא וְהוּא קָאֵים בְתַרעָא׃
Ezek 40:4 וֻמַלֵיל עִמִי גֻברָא בַר אָדָם חֲזִי בְעֵינָך וֻבאֻדנָך שְמַע וְשַו לִיבָך לְכָל דַאֲנָא מַחזֵי יָתָך אֲרֵי בְדִיל לְאַחזָיוּתָך אֵיתְיוּכָא הָלְכָא חַוִי יָת כָל דְאַת חָזֵי לְבֵית יִשרָאֵל׃
Ezek 40:5 וְהָא שוּרָא מִבַרָא לְבֵיתָא סְחוֹר סְחוֹר וֻביַד גֻברָא קְנֵי מִשחֲתָא דְחַד מִנְהוֹן שֵית אַמִין בְאַמַיָא בְאַמְתָא״כְאַמְתָא#3#״ דְהִיא אַמָה וֻפשַך וֻמשַח יָת פוּתיָא דְבִניָנָא קַניָא חַד וְרוּמָא קַניָא חַד׃
Ezek 40:6 וְעַל לְתַרעָא דִפתִיַח לְאוֹרַח מַדנְחָא וֻסלֵיק בְדַרגוֹהִי וֻמשַח יָת סִיפָא דְתַרעָא קַניָא חַד פוּתיָא וְיָת סִיפָא חַד קַניָא חַד פוּתיָא׃
Ezek 40:7 וְתַוָא קַניָא חַד אֻרכָא וְקַניָא חַד פֻתיָא וֻבֵין תַויָא כוּתלָא חֲמֵיש אַמִין וְסִיפָא דְתַרעָא מִקְֹבֵיל אוּלַמָא דְתַרעָא מִלְגָיו קַניָא חַד׃
Ezek 40:8 וֻמשַח יָת אוּלַמָא דְתַרעָא מִלְגָיו קַניָא חַד׃
Ezek 40:9 וֻמשַח יָת אוּלַמָא דְתַרעָא תַמנֵי אַמִין וְאַלוֹהִי״ואילוהי#3#״ תַרתִין אַמִין וְאוּלַמָא וְאַרעָא״דְתַרעָא#3#״ מִלְגָיו׃
Ezek 40:10 וְתַוֵי תַרעָא בְאוֹרַח מַדנְחָא תְלָתָה מִכָא וֻתלָתָה מִכָא מִשחָא חַד לִתלָתֵיהוֹן וֻמִשחֲתָא״וֻמִשחָא#2#״ חֲדָא לְאַלַיָא״לְאִליָא#2#״ מִכָא וֻמִכָא׃
Ezek 40:11 וֻמשַח יָת פֻתיָא דְמַעֲלַנָא דְתַרעָא עֲסַר אַמִין אֻרכָא דְתַרעָא תְלָת עַסרֵי אַמִין׃
Ezek 40:12 וֻתחוּמָא דִקדָם תָוַיָא אַמְתָא חֲדָא וְאַמְתָא חֲדָא תְחוּמָא מִכָא תַוַיָא שֵית אַמִין מִכָא וְשֵית אַמִין מִכָא׃
Ezek 40:13 וֻמשַח יָת תַרעָא מֵאִיגָר תַוָא לְאִיגָרֵיה פוּתיָא עַסרִין וַחֲמֵיש אַמִין תְרַע לָקְֹבֵיל תְרַע׃
Ezek 40:14 וַעֲבַד יָת אַלַיָא״אִליָא#2#״ שִתִין רוּמְהוֹן אַמְתָא חֲדָא וְעַל אַלָא״אִלָא#2#״ דְדָרְתָא דְתַרעָא סְחוֹר סְחוֹר׃
Ezek 40:15 וֻקדָם תַרעָא מְצִיעָאָה דִקדָם אוּלַמָא דְתַרעָא גַוַאָה חַמשִין אַמִין׃
Ezek 40:16 וְכַוִין סְתִימָן לְתַוַיָא וֻלאַלֵיהוֹן מִגָיו לְתַרעָא סְחוֹר סְחוֹר וְכֵין לְאוּלַמַיָא וְכַוִין סְחוֹר סְחוֹר לְגָיו וְעַל אַלָא״אִלָא#2#״ כוֹתַרתָא׃
Ezek 40:17 וְאַעֲלַנִי לְדָרְתָא בָריָתָא וְהָא לִשכָן וְרִצפְתָא עֲבִיד לְדָרְתָא סְחוֹר סְחוֹר תְלָתִין לִשכָן עַל רִצפְתָא׃
Ezek 40:18 וְרִצפְתָא לְעָבְרָא דְתַרעַיָא לָקְֹבֵיל אוּרכָא דְתַרעַיָא רִצפְתָא אַרעִיתָא׃
Ezek 40:19 וֻמשַח פֻתיָא מִן קְֹדָם תַרעָא מְצִיעָאָה״אַרעָאָה#2#״ דִקדָם דָרְתָא גָוָיתָא מִלְבַרָא מְאָה אַמִין לְמַדנְחָא וֻלצִפוּנָא׃
Ezek 40:20 וְתַרעָא דִפתִיַח לְאוֹרַח צִפוּנָא לְדַרְתָא בָרָיתָא מְשָח אוּרכֵיה וֻפֻתיֵה׃
Ezek 40:21 וְתַווֹהִי תְלָתָה מִכָא וֻתלָתָה מִכָא וְאַלוֹהִי וְאוּלַמוֹהִי הֲוָה כְמִשחָת תַרעָא קַדמָאָה חַמשִין אַמִין אוּרכֵיה וֻפוּתיָא עַסרִין וַחֲמֵיש אַמִין׃
Ezek 40:22 וְכַווֹהִי וְאוּלַמוֹהִי וְכוֹתְרָתֵיה כְמִשחָת תַרעָא דִפתִיַח לְאוֹרַח מַדנְחָא וֻבדַרגִין שִבעָה סַלְקִין בֵיה וְאוּלַמוֹהִי קְֹדָמֵיהוֹן׃
Ezek 40:23 וְתַרעָא לְדַרְתָא גָוָיתָא לִקבֵיל תַרעָא דִפתִיַח לְצִיפוּנָא וֻלמַדנְחָא וֻמשַח מִתְרַע לִתרַע מְאָה אַמִין׃
Ezek 40:24 וְאוֹבְלַנִי בְאוֹרַח דְרוֹמָא וְהָא תַרעָא חַד פְתִיַח לְאוֹרַח דְרוֹמָא וֻמשַח אַלוֹהִי״אילהוי#3#״ וְאוּלַמוֹהִי כְמִשחָתָא הָאִלֵין׃
Ezek 40:25 וְכַוִין לֵיה וֻלאוּלַמוֹהִי סְחוֹר סְחוֹר כְכַוַיָא הָאִלֵין חַמשִין אַמִין אוּרכָא וֻפוּתיָא עַסרִין וַחֲמֵיש אַמִין׃
Ezek 40:26 וְדַרגִין שִבעָה דַרגוֹהִי וְאוּלַמוֹהִי קְֹדָמֵיהוֹן וְכוֹתְרָן לֵיה חֲדָא מִכָא וֻחדָא מִיכָא עַל אַלוֹהִי״אילוהי#3#״׃
Ezek 40:27 וְתַרעָא לְדַרְתָא גָוָיתָא בְאוֹרַח דְרוֹמָא וֻמשַח מִתְרַע לִתרַע בְאוֹרַח דְרוֹמָא מְאָה אַמִין׃
Ezek 40:28 וְאַעֲלַנִי לְדָרְתָא גָוָיתָא בִתרַע״באורח#3#״ דָרוֹמָא וֻמשַח יָת תְרַע דָרוֹמָא כְמִשחָתָא הָאִלֵין׃
Ezek 40:29 וְתַווֹהִי וְאַלוֹהִי״ואילוהי#3#״ וְאוּלַמוֹהִי כְמִשחָתָא הָאִלֵין וְכַוִין לֵיה וֻלאוּלַמוֹהִי סְחוֹר סְחוֹר חַמשִין אַמִין אוּרכָא וֻפֻתיָא עַסרִין וַחֲמֵיש אַמִין׃
Ezek 40:30 וְאוּלַמַיָא סְחוֹר סְחוֹר אוּרכָא עַסרִין וַחֲמֵיש אַמִין וֻפוּתיָא חֲמֵיש אַמִין׃
Ezek 40:31 וְאוּלַמוֹהִי לְדָרְתָא בָרָיתָא וְכוֹתְרָן עַל אַלוֹהִי״אילוהי#3#״ וְדַרגִין״וְדַרגוֹהִי#2#״ תְמָניָא דַרגוֹהִי׃
Ezek 40:32 וְאַעֲלַנִי לְדָרְתָא גָוָיתָא בְאוֹרַח מַדנְחָא וֻמשַח יָת תַרעָא כְמִשחָתָא הָאִלֵין׃
Ezek 40:33 וְתַווֹהִי וְאַלוֹהִי״ואילוהי#3#״ וְאוּלַמוֹהִי כְמִשחָתָא הָאִלֵין וְכַוִין לֵיה וֻלאוּלַמוֹהִי סְחוֹר סְחוֹר אוּרכָא חַמשִין אַמִין וֻפֻתיָא עַסרִין וַחֲמֵיש אַמִין׃
Ezek 40:34 וְאוּלַמוֹהִי לְדָרְתָא בָרָיתָא וְכוֹתְרָן עַל אַלוֹהִי״אילוהי#3#״ מִכָא וֻמִכָא וֻתמָניָא דַרגִין דַרגוֹהִי׃
Ezek 40:35 וְאַעֲלַנִי לְתַרעָא דִפתִיַח לְצִפוּנָא וֻמשַח כְמִשחָתָא הָאִלֵין׃
Ezek 40:36 תַווֹהִי אַלוֹהִי וְאוּלַמוֹהִי וְכַוִין לֵיה סְחוֹר סְחוֹר אוּרכָא חַמשִין אַמִין וֻפוּתיָא עַסרִין וַחֲמֵיש אַמִין׃
Ezek 40:37 וְאַלוֹהִי״ואילוהי#3#״ לְדַרְתָא בָרָיתָא וְכוֹתְרָן עַל אַלוֹהִי״אילוהי#3#״ מִכָא וֻמִכָא וֻתמָניָא דַרגִין דַרגוֹהִי׃
Ezek 40:38 וְלִשכְתָא פְתִיחָא בְאַלַיָא״באיליא#3#״ דְתַרעַיָא תַמָן מְתַקְנִין יָת עֲלָתָא׃
Ezek 40:39 וֻבאוּלַמָא דְתַרעָא תְרֵין פָתוּרִין מִכָא וֻתרֵין פָתוּרִין מִכָא לְמִכַס עֲלֵיהוֹן עֲלָתָא וְחַטָתָא וַאֲשָמָא׃
Ezek 40:40 וֻלעִברָא דְמִבַרָא לְמַסְקַנָא בְמַעֲלַנָא דִתרַע צִפוּנָא תְרֵין פָתוּרִין וֻלעִברָא אוּחרָנָא דִלאוּלַמָא דְתַרעָא תְרֵין פָתוּרִין׃
Ezek 40:41 אַרבְעָה פָתוּרִין מִכָא וְאַרבְעָה פָתוּרִין מִכָא לְעִברָא דְתַרעָא תְמָניָא פָתוּרִין בֵינֵיהוֹן נָכְסִין׃
Ezek 40:42 וְאַרבְעָה פָתוּרִין לַעֲלָתָא דְאַבנֵי גָזִית אוּרכָא אַמְתָא חֲדָא וֻפלַג וֻפוּתיָא אַמְתָא חֲדָא וֻפלַג וְרוּמָא אַמְתָא חֲדָא עֲלֵיהוֹן יָחֲתוּן יָת מָנַיָא דְיִכְסוּן יָת עֲלָתָא בְהוֹן וְנִכסַת קוּדשַיָא׃
Ezek 40:43 וְעוֹנַקלִין נָפְקִין פְשַך חַד קְבִיעִין בְעַמוּדֵי בֵית מַטבְחִין מִגָיו לְאוּלַמַיָא״לְאוּלַמָא#2#״ סְחוֹר סְחוֹר וְעַל פָתוּרַיָא בְסַר״בָתַר#3#״ קוּרבָנָא׃
Ezek 40:44 וֻמִבַרָא לְתַרעָא גַוָאָה לִשכַת לֵיוָאֵי בְדָרְתָא גָוָיתָא דִלעֵיבַר תְרַע צִפוּנָא וְאַפֵיהוֹן לְאוֹרַח דָרוֹמָא חַד לְעֵיבַר תְרַע מַדנְחָא אַפֵי אוֹרַח צִפוּנָא׃
Ezek 40:45 וֻמַלֵיל עִמִי דָא לִשכְתָא דִפתִיחָא לְאוֹרַח דָרוֹמָא לְכָהֲנַיָא נָטְרֵי מַטְרַת בֵיתָא׃
Ezek 40:46 וְלִשכְתָא דִפתִיחָא לְאוֹרַח צִפוּנָא לְכָהֲנַיָא נָטְרֵי מַטְרָת מַדבְחָא אִנוּן בְנֵי צָדוֹק דְקָרִיבִין מִבְנֵי לֵוִי לְפֻלחָנָא דַיוי לְשַמָשָא קְֹדָמוֹהִי׃
Ezek 40:47 וֻמשַח יָת דָרְתָא אוּרכָא מְאָה אַמִין וֻפוּתיָא מְאָה אַמִין מְרֻבַע וֻמַדבְחָא דִקדָם בֵיתָא׃
Ezek 40:48 וְאַעֲלַנִי לְאוּלַמָא דְבֵיתָא וֻמשַח אַלָא״אילא#3#״ דְאוּלַמָא חֲמֵש אַמִין מִכָא וַחֲמֵיש אַמִין מִכָא וֻפוּתיָא דְתַרעָא תְלָת אַמִין מִיכָא וֻתלָת אַמִין מִכָא׃
Ezek 40:49 אוּרכַא דְאוּלַמָא עַסרִין אַמִין וֻפֻתיָא חֲדָא עַסרֵי אַמִין וֻבדַרגִין דְסָלְקִין לֵיה וְעַמוּדַיָא עַל אַליָא״אַלַיָא#3#״איליא#3#״ חַד מִכָא וְחַד מִכָא׃