Jonah 4:1 וֻבאֵיש לְיוֹנָה בִישָא רַבָא וֻתקֵיף לֵיה׃
Jonah 4:2 וְצַלִי קְֹדָם יוי וַאֲמַר קַבֵיל בָעוּתִי יוי הֲלָא דֵין״דא#3#״ פִתגָמִי \עַד דַהֲוֵיתִי ״כד הויתי#3#״ קַיָים עַל אַרעִי עַל כֵין אוֹחִיתִי לְמִערַק לְיַמָא אֲרֵי יָדַענָא אֲרֵי אַת אֲלָהָא חַנָנָא וְרַחמָנָא מַרחֵיק רְגַז וֻמַסגֵי לְמַעֲבַד טַבוָון וֻמתִיב מֵימְרֵיה מִלְאֵיתָאָה בִישָא׃
Jonah 4:3 וֻכעַן יוי סַב כְעַן יָת נַפשִי מִנִי אֲרֵי טָב דַאֲמוּת מִדְאֵיחֵי׃
Jonah 4:4 וַאֲמַר יוי הֲלַחדָא תְקוֹף לָך׃
Jonah 4:5 וֻנפַק יוֹנָה מִן קַרתָא וִיתֵיב מִמַדנַח לְקַרתָא וַעֲבַד לֵיה תַמָן מְטַלְתָא וִיתֵיב תְחוֹתַה בְטוּלָא עַד דְיִחזֵי מָא יְהֵי בְסוֹף קַרתָא׃
Jonah 4:6 וְזָמֵין יוי אֲלֹהִים קִיקָיוֹן וֻסלֵיק עֵיל מִן יוֹנָה לְמִהוֵי טוּלָא עַל רֵישֵיה לְאַגָנָא לֵיה״עלוהי#3#״ מִבִשתֵיה וַחדִי יוֹנָה עַל קִיקָיוֹן חַדָוא רַבָא׃
Jonah 4:7 וְזָמֵין יוי תוֹלַעתָא בְמִיסַק צַפרָא דְיוֹמָא דְבָתְרוֹהִי וֻמחָת״ומחא#3#״ יָת קִיקָיוֹן וִיבֵיש״ובאש#3#״׃
Jonah 4:8 וַהֲוָה כְמַדנַח שִמשָא וְזָמֵין יוי רוּחַ קִידוּמָא שְתִיקְתָא וֻטפַחַת שִמשָא עַל רֵישָא דְיוֹנָה וְאִשתַלהִי וֻשאֵיל יָת נַפשֵיה לִממָת וַאֲמַר טָב דַאֲמוּת מִדְאֵיחֵי׃
Jonah 4:9 וַאֲמַר יוי לְיוֹנָה הֲלַחדָא תְקוֹף לָך עַל קִיקָיוֹן וַאֲמַר לַחדָא״תקנא#3#״ תְקוֹף לִי עַד מוֹתָא׃
Jonah 4:10 וַאֲמַר יוי אַת חַסתָא עַל קִיקָיוֹן דְלָא עֲמַלתָא״לאיתת#3#״ בֵיה וְלָא רַבִיתָהִי דִי בְלֵיליָא הָדֵין הֲוָה וֻבלֵיליָא אוּחרָנָא אֲבַד׃
Jonah 4:11 וַאֲנָא לָא אֲחוּס עַל נִינְוֵה קַרתָא רַבְתָא דְאִית בַה סַגִי מִתַרתַא עַסרֵי רִבוֹ אֲנָשָא דְלָא יְדַע בֵין יְמִינֵיה לִסמָאלֵיה וֻבעִיָרא סַגִי׃