Psa 6:1 א  למנצח בנגינות על-השמינית    מזמור לדוד
Psa 6:2 ב  יהוה אל-באפך תוכיחני    ואל-בחמתך תיסרני
Psa 6:3 ג  חנני יהוה כי אמלל-אני    רפאני יהוה--כי נבהלו עצמי
Psa 6:4 ד  ונפשי נבהלה מאד    ואת (ואתה) יהוה עד-מתי
Psa 6:5 ה  שובה יהוה חלצה נפשי    הושיעני למען חסדך
Psa 6:6 ו  כי אין במות זכרך    בשאול מי יודה-לך
Psa 6:7 ז  יגעתי באנחתי--אשחה בכל-לילה מטתי    בדמעתי ערשי אמסה
Psa 6:8 ח  עששה מכעס עיני    עתקה בכל-צוררי
Psa 6:9 ט  סורו ממני כל-פעלי און    כי-שמע יהוה קול בכיי
Psa 6:10 י  שמע יהוה תחנתי    יהוה תפלתי יקח [ (Psalms 6:11) יא  יבשו ויבהלו מאד--כל-איבי    ישבו יבשו רגע ]