Psa 83:1 א  שיר מזמור לאסף
Psa 83:2 ב  אלהים אל-דמי-לך    אל-תחרש ואל-תשקט אל
Psa 83:3 ג  כי-הנה אויביך יהמיון    ומשנאיך נשאו ראש
Psa 83:4 ד  על-עמך יערימו סוד    ויתיעצו על-צפוניך
Psa 83:5 ה  אמרו--לכו ונכחידם מגוי    ולא-יזכר שם-ישראל עוד
Psa 83:6 ו  כי נועצו לב יחדו    עליך ברית יכרתו
Psa 83:7 ז  אהלי אדום וישמעאלים    מואב והגרים
Psa 83:8 ח  גבל ועמון ועמלק    פלשת עם-ישבי צור
Psa 83:9 ט  גם-אשור נלוה עמם    היו זרוע לבני-לוט סלה
Psa 83:10 י  עשה-להם כמדין    כסיסרא כיבין בנחל קישון
Psa 83:11 יא  נשמדו בעין-דאר    היו דמן לאדמה
Psa 83:12 יב  שיתמו נדיבימו כערב וכזאב    וכזבח וכצלמנע כל-נסיכימו
Psa 83:13 יג  אשר אמרו נירשה לנו--    את נאות אלהים
Psa 83:14 יד  אלהי שיתמו כגלגל    כקש לפני-רוח
Psa 83:15 טו  כאש תבער-יער    וכלהבה תלהט הרים
Psa 83:16 טז  כן תרדפם בסערך    ובסופתך תבהלם
Psa 83:17 יז  מלא פניהם קלון    ויבקשו שמך יהוה
Psa 83:18 יח  יבשו ויבהלו עדי-עד    ויחפרו ויאבדו [ (Psalms 83:19) יט  וידעו--    כי-אתה שמך יהוה לבדך עליון    על-כל-הארץ ]