Psa 108:1 א-ב  שיר מזמור לדוד
Psa 108:2 נכון לבי אלהים אשירה ואזמרה אף-כבודי
Psa 108:3 ג  עורה הנבל וכנור    אעירה שחר
Psa 108:4 ד  אודך בעמים יהוה    ואזמרך בלאמים
Psa 108:5 ה  כי-גדול מעל-שמים חסדך    ועד-שחקים אמתך
Psa 108:6 ו  רומה על-שמים אלהים    ועל כל-הארץ כבודך
Psa 108:7 ז  למען יחלצון ידידיך    הושיעה ימינך וענני
Psa 108:8 ח  אלהים דבר בקדשו--אעלזה    אחלקה שכם ועמק סכות אמדד
Psa 108:9 ט  לי גלעד לי מנשה ואפרים מעוז ראשי    יהודה מחקקי
Psa 108:10 י  מואב סיר רחצי--על-אדום אשליך נעלי    עלי-פלשת אתרועע
Psa 108:11 יא  מי יבלני עיר מבצר    מי נחני עד-אדום
Psa 108:12 יב  הלא-אלהים זנחתנו    ולא-תצא אלהים בצבאתינו
Psa 108:13 יג  הבה-לנו עזרת מצר    ושוא תשועת אדם [ (Psalms 108:14) יד  באלהים נעשה-חיל    והוא יבוס צרינו ]