Hebrew BHS, Psalms, Chapter 013

Ps 13:1 לַמְנַצֵּחַ מִזְמֹור לְדָוִד׃ (13:2) עַד־אָנָה יְהוָה תִּשְׁכָּחֵנִי נֶצַח עַד־אָנָה תַּסְתִּיר אֶת־פָּנֶיךָ מִמֶּנִּי׃
Ps 13:2 (13:3) עַד־אָנָה אָשִׁית עֵצֹות בְּנַפְשִׁי יָגֹון בִּלְבָבִי יֹוםָם עַד־אָנָה יָרוּם אֹיְבִי עָלָי׃
Ps 13:3 (13:4) הַבִּיטָה עֲנֵנִי יְהוָה אֱלֹהָי הָאִירָה עֵינַי פֶּן־אִישַׁן הַמָּוֶת׃
Ps 13:4 (13:5) פֶּן־יֹאמַר אֹיְבִי יְכָלְתִּיו צָרַי יָגִילוּ כִּי אֶמֹּוט׃
Ps 13:5 (13:6) וַאֲנִי בְּחַסְדְּךָ בָטַחְתִּי יָגֵל לִבִּי בִּישׁוּעָתֶךָ (13:6) אָשִׁירָה לַיהוָה כִּי גָמַל עָלָי׃
Ps 13:6 וַאֲנִי בְּחַסְדְּךָ בָטַחְתִּי יָגֵל לִבִּי בִּישׁוּעָתֶךָ אָשִׁירָה לַיהוָה כִּי גָמַל עָלָי׃