Mar 1:1 תְּחִלַּת הַבְּשׂוֹרָה לְיֵשׁוּעַ הַמָּשִׁיחַ בֶּן־הָאֱלֹהִים
Mar 1:2 כַּכָּתוּב בְּדִבְרֵי הַנְּבִיאִים הִנְנִי שֹׁלֵחַ מַלְאָכִי לְפָנֶיךָ וּפִנָּה־דַרְכְּךָ לְפָנֶיךָ
Mar 1:3 קוֹל קוֹרֵא בַּמִּדְבָּר פַּנּוּ דֶּרֶךְ יְהֹוָה יַשְּׁרוּ מְסִלּוֹתָיו
Mar 1:4 וַיָּבֹא יוֹחָנָן לְטַבֵּל בַּמִּדְבָּר וְהוּא קָרָא אֶל־הָעָם לָשׁוּב מִדַּרְכָּם וּלְהִטָּבֵל לִסְלִיחַת עֲוֹנָם
Mar 1:5 וַיֵּצְאוּ אֵלָיו כָּל־אֶרֶץ יְהוּדָה וְכָל־ישְׁבֵי יְרוּשָשׁלַיִם וַיִּטָּבְלוּ עַל־יָדוֹ ובְּתוֹךְ הַיַּרְדֵּן בְּהִתְוַדֹּתָם אֶת־חַטֹּאתֵיהֶם
Mar 1:6 וְיוֹחָנָן לְבוּשׁוֹ ושְׂעַר גְּמַלִּים וְאֵזוֹר עוֹר אָזוּר בְּמָתְנָיו וּמַאֲכָלוֹ וחֲגָבִים וּדְבַשׁ מִיָּעַר
Mar 1:7 וַיִּקְרָא לֵאמֹר הִנֵּה חָסִין מִמֶּנִּי בָּא אַחֲרָי אֲשֶׁר קַל־עֶרֶךְ אֲנִי מִכְּרֹעַ לְפָנָיו לְהַתִּיר שְׂרוֹךְ נְעָלָיו
Mar 1:8 אֲנִי מְטַבֵּל אֶתְכֶם בַּמָּיִם אַךְ הוּא יְטַבֵּל אֶתְכֶם בְּרוּחַ־הַקֹּדֶשׁ
Mar 1:9 וַיְהִי בַּיָּמִים הָהֵם וַיָּבֹא יֵשׁוּעַ מִנְּצֶרֶת מִן־הַגָּלִיל וַיִּטָּבֵל עַל־יַד יוֹחָנָן בַּיַּרְדֵּן
Mar 1:10 וְהוּא אַךְ־עָלֹה עָלָה מִן־הַמָּיִם וַיַּרְא וְהִנֵּה נִפְתְּחוּ הַשָּׁמַיִם וְהָרוּחַ יָרְדָה עָלָיו בִּדְמוּת יוֹנָה
Mar 1:11 וַיְהִי קוֹל מִן־הַשָּׁמַיִם אַתָּה הוּא בְּנִי יְדִידִי בְּךָ רָצְתָה נַפְשִׁי
Mar 1:12 וְאַחֲרֵי־כֵן נְשָׂאוֹ והָרוּחַ וַיַּנִּחֵהוּ בַּמִּדְבָּר
Mar 1:13 וַיְהִי בַמִּדְבָּר אַרְבָּעִים יוֹם עִם־חַיַּת הַשָּׂדֶה וַיְנַסֵּהוּ הַשָּׁטָן וּמַלְאֲכֵי אֱלֹהִים שֵׁרְתֻהוּ
Mar 1:14 וְאַחֲרֵי אֲשֶׁר הָסְגַּר יוֹחָנָן בָּא יֵשׁוּעַ הַגָּלִילָה וַיִּקְרָא אֶת־בְּשׂוֹרַת מַלְכוּת הָאֱלֹהִים
Mar 1:15 וַיֹּאמַר הִנֵּה מָלְאוּ הַיָּמִים וּמַלְכוּת הָאֱלֹהִים קְרֹבָה לָבֹא שׁוּבוּ מִדַּרְכֵיכֶם וְהַאֲמִינוּ בַבְּשׂוֹרָה
Mar 1:16 וַיְהִי בְּלֶכְתּוֹ ועַל־שְׂפַת יַם־הַגָּלִיל וַיַּרְא אֶת־שִׁמְעוֹן וְאֶת־אַנְדְּרַי אֲחִי שִׁמְעוֹן פֹּרְשִׂים מִכְמֹרֶת עַל־פְּנֵי הַיָּם כִּי דַיָּגִים הָיוּ
Mar 1:17 וַיֹּאמֶר אֲלֵיהֶם יֵשׁוּעַ לְכוּ אַחֲרַי וְאֶעֱשֶׂה אֶתְכֶם לְדַיְּגֵי אָדָם
Mar 1:18 וַיַּעַזְבוּ אֶת־מִכְמֹרוֹתָם כְּרָגַע וַיֵּלְכוּ אַחֲרָיו
Mar 1:19 וַיַּעֲבֹר מְעַט־מִזְעָר וַיַּרְא אֶת־יַעֲקֹב בֶּן־זַבְדִּי וְאֶת־יוֹחָנָן אָחִיו וְגַם־הֵם בָּאָנִיָּה מְתַקְּנִים מִכְמֹרוֹת
Mar 1:20 וַיִּקְרָא אֲלֵיהֶם פִּתְאֹם וַיַּעַזְבוּ אֶת־זַבְדִּי אֲבִיהֶם בָּאָנִיָּה עִם־הַפֹּעֲלִים הַשְּׂכִירִים וַיֵּלְכוּ אַחֲרָיו
Mar 1:21 וַיָּבֹאוּ אֶל־כְּפַר־נַחוּם וַיַּחַשׁ לָבֹא בְּיוֹם הַשַּׁבָּת אֶל־בֵּית־הַכְּנֶסֶת וַיְלַמֵּד שָׁמָּה
Mar 1:22 וַיִּתְמְהוּ עַל־תּוֹרָתוֹ וכִּי יָדַע לְלַמְּדָם כְּאִישׁ אֲשֶׁר שִׁלְטוֹן בְּיָדוֹ ווְלֹא כַּסּוֹפְרִים
Mar 1:23 וְשָׁם נִמְצָא אִישׁ בְּבֵית־הַכְּנֵסֶת אֲשֶׁר דָּבַק בּוֹ ורוּחַ טֻמְאָה וַיִּצְעַק לֵאמֹר
Mar 1:24 הוֹי יֵשׁוּעַ הַנָּצְרִי מַה־לָּנוּ וָלָךְ הַאִם לְהַשְׁמִידֵנוּ בָאתָ הֲלֹא יְדַעְתִּיךָ מִי אַתָּה קְדוֹשׁ הָאֱלֹהִים
Mar 1:25 וַיִּגְעַר־בּוֹ ויֵשׁוּעַ לֵאמֹר דֹּם וְצֵא מִמֶּנּוּ
Mar 1:26 וַיִּטְרֹף אֹתוֹ ורוּחַ הַטֻּמְאָה וַיִּצְעַק צְעָקָה גְדֹלָה וְאַחֲרֵי־כֵן יָצָא מִמֶּנּוּ׃
Mar 1:27 וַיִּשְׁתָּאוּ כֻלָּם וַיִּתְמְהוּ אִישׁ אֶל־אָחִיו לֵאמֹר מַה־זֹּאת מַה־תּוֹרָה חֲדָשָׁה אִתּוֹ וכִּי גַּם־אֶת־הָרוּחוֹת הַטְּמֵאוֹת הוּא מְצַוֶּה בֶּעֱזוּזוֹ ווְהֵן שֹׁמְעוֹת בְּקֹלוֹ׃
Mar 1:28 וְשָׁמְעוֹ ויָצָא עַד־מְהֵרָה בְּכָל־הַכִּכָּר וּמִסָּבִיב לַגָּלִיל׃
Mar 1:29 וַיֵּצְאוּ מִבֵּית־הַכְּנֵסֶת וַיָּבֹאוּ בֵּיתָה שִׁמְעוֹן וְאַנְדְּרַי וְעִמָּהֶם גַּם־יַעֲקֹב וְיוֹחָנָן׃
Mar 1:30 וְחֹתֶנֶת שִׁמְעוֹן שָׁכְבָה חוֹלַת־קַדָּחַת וּכְבֹאוֹ וסִפְּרוּ לוֹ ועַל־דְּבַר מַחֲלָתָהּ׃
Mar 1:31 וַיִּגַּשׁ וַיַּחֲזֶק בְּיָדָהּ וַיְקִימֶהָ וְהַקַּדַּחַת רָפְתָה מִמֶּנָּה כְרֶגַע וַתְּשָׁרֵת אֹתָם׃
Mar 1:32 וַיְהִי בָּעֶרֶב אַחֲרֵי בוֹא הַשָּׁמֶשׁ וַיָּבִיאוּ אֵלָיו אֵת כָּל־הַחוֹלִים וְאֵת אֲשֶׁר רוּחַ רָעָה מְבַעִתָּם׃
Mar 1:33 וְכָל־יוֹשְׁבֵי הָעִיר נֶאֶסְפוּ יַחְדָּו פֶּתַח הַבָּיִת׃
Mar 1:34 וַיִּרְפָּא רַבִּים מֵהֶם אֲשֶׁר חָלוּ בְּתַחֲלֻאִים שׁוֹנִים וְרוּחוֹת רָעוֹת רַבּוֹת גֵּרֵשׁ וְלֹא־נָתַן לָרוּחוֹת הָרָעוֹת לְדַבֵּר דָּבָר כִּי יָדְעוּ מִי הוּא׃
Mar 1:35 וַיַּשְׁכֵּם מִמָּחֳרָת טֶרֶם עָלָה הַשָּׁחַר וַיֵּצֵא וַיִּפְגַּע בְּמָקוֹם חָרֵב וַיִּתְפַּלֵּל שָׁמָּה׃
Mar 1:36 וְשִׁמְעוֹן וְהָאֲנָשִׁים אֲשֶׁר אִתּוֹ וחָרְדוּ אַחֲרָיו׃
Mar 1:37 וַיִּמְצָאֻהוּ וַיֹּאמְרוּ אֵלָיו הִנֵּה כֻלָּם מְבַקְשִׁים פָּנֶיךָ׃
Mar 1:38 וַיֹּאמֶר אֲלֵיהֶם לְכוּ וְנָסוּרָה מִזֶּה אֶל־עָרֵי הַפְּרָזוֹת הַקְּרֹבוֹת לָנוּ וְקָרָאתִי גַּם־שָׁמָּה כִּי עַל־כֵּן יָצָאתִי מִבֵּיתִי׃
Mar 1:39 וַיָּסַר אֶל־בָּתֵּי־הַכְּנֵסֶת בְּכָל־הַגָּלִיל וַיִּקְרָא שָׁם וַיְגָרֶשׁ אֶת־הַשֵּׁדִים׃
Mar 1:40 וַיָּבֹא אֵלָיו אִישׁ מְצֹרָע וַיִּתְחַנֵּן וַיִּכְרַע לְפָנָיו וַיֹּאמַר אִם־חָפֵץ אַתָּה הֲלֹא תוּכַל לְטַהֲרֵנִי׃
Mar 1:41 וַ יִכָּמְרוּ רַחֲמֵי יֵשׁוּעַ עָלָיו וַיּוֹשֶׁט אֶת־יָדוֹ ווַיִּגַּע־בּוֹ ווַיֹּאמַר חָפֵץ אֲנִי וּטְהָר׃
Mar 1:42 עוֹד הַדָּבָר בְּפִיו וְהַצָּרַעַת סָרָה מִבְּשָׂרוֹ וכְרֶגַע וַיִּטְהָר׃
Mar 1:43 וַיָּעַד־בּוֹ ווַיְשַׁלְּחֵהוּ מֵעַל־פָּנָיו׃
Mar 1:44 לֵאמֹר רְאֵה אַל־תַּגֵּד לְאִישׁ דָּבָר רַק־לֵךְ וְהֵרָאֵה לְעֵינֵי הַכֹּהֵן וְהַקְרֵב אֶת־הַקָּרְבָּן עַל־טָהֳרָתְךָ כַּאֲשֶׁר צִוָּה משֶשׁה לְעֵדוּת לָהֶם׃
Mar 1:45 וַיְהִי כְּצֵאתוֹ ווַיָּחֶל לְהַגִּיד וּלְהַשְׁמִיעַ אֶת־הַדָּבָר בָּרַבִּים עַד אֲשֶׁר לֹא־יָכֹל עוֹד יֵשׁוּעַ לָבֹא בָעִיר בַּגָּלוּי כִּי אִם־הִתְגּוֹרֵר בַּחוּץ בְּצִיָּה וַעֲרָבָה וַיָּבֹאוּ אֵלָיו מִכָּל־עֵבֶר וּפִנָּה׃