Rom 14:1 אִישׁ רְפֵה יָדַיִם בֶּאֱמוּנָה קַבְּלֻהוּ בְתוֹכְכֶם וְלֹא לְחִקְרֵי לֵב לִשְׂעִיפָּיו וְעֶשְׁתֹּנֹתָיו
Rom 14:2 יֵשׁ מַאֲמִין כִּי כָּל־דָּבָר נָכוֹן לוֹ ולֶאֱכֹל וּרְפֵה יָדַיִם זֶה יֹאכַל יָרֶק
Rom 14:3 הָאֹכֵל כָּל־מַאֲכָל אַל־יָבוּז לַאֲשֶׁר אֵינֶנּוּ אֹכֵל וַאֲשֶׁר אֵינֶנּוּ אֹכֵל אַל־יִשְׁפֹּט אֶת־הָאֹכֵל כִּי־נָשָׂא פָנָיו אֱלֹהִים
Rom 14:4 מִי אַתָּה כִּי־תִשְׁפֹּט עֶבֶד לֹא־לָךְ הֵן לַאדֹנָיו הוּא כִּי יָקוּם וְכִי־יִפֹּל וְהוּא יָקוּם כִּי־רַב כֹּחַ יְהֹוָה לַהֲקִימוֹ
Rom 14:5 יֵשׁ מַבְדִּיל יוֹם מֵעַל יוֹם וְיֵשׁ אֲשֶׁר יוֹם כַּיּוֹם נֶחְשָׁב־לוֹ ויְהִי־נָא כָּל־אִישׁ סָמוּךְ לִבּוֹ ובְּדַעְתּוֹ
Rom 14:6 הַמְכַבֵּד יָמִים לַיהֹוָה הוּא מְכַבְדָם וַאֲשֶׁר אֵינֶנוּ מְכַבֵּד יָמִים לְמַעַן יְהֹוָה אֵינֶנוּ מְכַבְדָם הָאֹכֵל אֹכֵל לְשֵׁם יְהֹוָה כִּי־יוֹדֶה לוֹ ווַאֲשֶׁר אֵינֶנּוּ אֹכֵל לְשֵׁם אֱלֹהִים וִיהוֹדֶנּוּ
Rom 14:7 כִּי אֵין־אִישׁ מֵאִתָּנוּ יִחְיֶה לְנַפְשׁוֹ ווְאֵין־אִישׁ יָמוּת לְנַפְשׁוֹ
Rom 14:8 כִּי אִם־נִחְיֶה נִחְיֶה לַיהֹוָה וְכִי־נָמוּת נָמוּת לַיהֹוָה לָכֵן כִּי־נִחְיֶה וְכִי־נָמוּת לַיהֹוָה הִנֵּנוּ
Rom 14:9 כִּי הֲלֹא בַּעֲבוּר זֹאת מֵת הַמָּשִׁיחַ וַיָּקָם וָחָי לְהִשְׂתָּרֵר כְּאָדוֹן עַל־הַמֵּתִים וְעַל־הַחַיִּים
Rom 14:10 וְאַתָּה לָמָּה־זֶּה תִשְׁפֹּט אֶת־אָחִיךָ אוֹ ומַדּוּעַ תָּבוּז אַתָּה לְאָחִיךָ וְכֻלָּנוּ לַמִשְׁפָּט נַעֲמֹד לִפְנֵי כִסֵּא דִּין הַ מָשִשׁיחַ
Rom 14:11 כִּי כָתוּב חַי־אָנִי נְאֻם יְהֹוָה כִּי לִי תִּכְרַע כָּל־בֶּרֶךְ וְכָל־לָשׁוֹן תּוֹדֶה לֵאלֹהִים
Rom 14:12 עַל־כֵּן כָּל־אִישׁ וְאִישׁ לְנַפְשׁוֹ ויָשִׁיב אֶת־אֱלֹהִים דָּבָר
Rom 14:13 וְעַתָּה לֹא נִשְׁפֹּט עוֹד אִישׁ אֶת־אָחִיו כִּי אִם־נַחֲרֹץ מִשְׁפָּט לְבִלְתִּי תֵת אִישׁ לִפְנֵי אָחִיו מוֹקֵשׁ אוֹ ומִכְשׁוֹל
Rom 14:14 יָדַעְתִּי גַּם־יָדַעְתִּי בְּיֵשׁוּעַ אֲדֹנֵינוּ כִּי־אֵין דָּבָר טָמֵא מֵאֵלָיו וְרַק־טָמֵא הוּא לְמִי אֲשֶׁר יַחְשְׁבֶנּוּ לְטָמֵא
Rom 14:15 וְאִם־יֵעָצֵב אָחִיךָ בְּמַאֲכָלְךָ אֵינְךָ הֹלֵךְ עוֹד בְּאֹרַח אַהֲבָה אַל־תַּשְׁחֵת בְּמַאֲכָלְךָ אֶת־אָחִיךָ אֲשֶׁר הַמָּשִׁיחַ מֵת בַּעֲדוֹ
Rom 14:16 וְאַל־תִּתֵּן יִשְׁרַת נַפְשְׁךָ לְגִדּוּפִים
Rom 14:17 כִּי־מַלְכוּת אֱלֹהִים אֵינֶנָּה מַאֲכָל וּמִשְׁתֶּה כִּי אִם־צְדָקָה שָׁלוֹם וְחֶדְוָה בְּרוּחַ הַקֹּדֶשׁ
Rom 14:18 וְהָעֹבֵד אֶת־הַמָּשִׁיחַ בָּאֵלֶּה רָצוּי הוּא לֵאלֹהִים וְנֶחְמָד בְּעֵינֵי אֲנָשִׁים
Rom 14:19 עַל־כֵּן נִרְדְּפָה־נָּא דַרְכֵי שָׁלוֹם לְכוֹנֵן אִישׁ אֶת־רֵעֵהוּ
Rom 14:20 אַל־תַּהֲרֹס פֹּעַל אֱלֹהִים עַל־דִּבְרַת מַאֲכָל כָּל־דָּבָר הוּא טָהוֹר וְרַק רַע הוּא לַאֲשֶׁר יֹאכְלֶנּוּ לְהִתְנַקֵּם בְּנַפְשׁוֹ
Rom 14:21 טוֹב לֹא־לֶאֱכֹל בָּשָׂר לֹא־לִשְׁתּוֹת יָיִן וְלֹא־לַעֲשׂוֹת דָּבָר אֲשֶׁר יִהְיֶה מִכְשׁוֹל לֵב לְאָחִיךָ אוֹ ואֲשֶׁר יִוָּקֶשׁ־בּוֹ ואוֹ ויָדָיו תִּרְפֶּינָה
Rom 14:22 יֶשׁ־לְךָ אֱמוּנָה תְּהִי־לְךָ לְבַדְּךָ לִפְנֵי הָאֱלֹהִים אַשְׁרֵי הָאִישׁ אֲשֶׁר לִבּוֹ ולֹא יַרְשִׁיעֶנּוּ בַּאֲשֶׁר יִבְחַר־לוֹ
Rom 14:23 אַךְ אִם־יֹאכַל וְלִבּוֹ ונִפְלַג עָלָיו וְנָשָׂא עֲוֹנוֹ ויַעַן כִּי לֹא בֶאֱמוּנָה מַעֲשֵׂהוּ וְכֹל אֲשֶׁר נַעֲשָׂה בִּבְלִי אֱמוּנָה חֵטְא הוּא׃