Answer Me When I Call

Psa 4:1 in finem in carminibus psalmus David (4:2) cum invocarem exaudivit me Deus iustitiae meae in tribulatione dilatasti mihi miserere mei et exaudi orationem meam

Psa 4:2 (4:3) filii hominum usquequo gravi corde ut quid diligitis vanitatem et quaeritis mendacium diapsalma

Psa 4:3 (4:4) et scitote quoniam mirificavit Dominus sanctum suum Dominus exaudiet me cum clamavero ad eum

Psa 4:4 (4:5) irascimini et nolite peccare quae dicitis in cordibus vestris in cubilibus vestris conpungimini diapsalma

Psa 4:5 (4:6) sacrificate sacrificium iustitiae et sperate in Domino multi dicunt quis ostendet nobis bona

Psa 4:6 (4:7) signatum est super nos lumen vultus tui Domine dedisti laetitiam in corde meo

Psa 4:7 (4:8) a fructu frumenti et vini et olei sui multiplicati sunt

Psa 4:8 (4:9) in pace in id ipsum dormiam et requiescam (4:10) quoniam tu Domine singulariter in spe constituisti me