Proclaiming Christ Crucified
1Co 2:1 et ego cum venissem ad vos fratres veni non per sublimitatem sermonis aut sapientiae adnuntians vobis testimonium Christi
1Co 2:2 non enim iudicavi scire me aliquid inter vos nisi Iesum Christum et hunc crucifixum
1Co 2:3 et ego in infirmitate et timore et tremore multo fui apud vos
1Co 2:4 et sermo meus et praedicatio mea non in persuasibilibus sapientiae verbis sed in ostensione Spiritus et virtutis
1Co 2:5 ut fides vestra non sit in sapientia hominum sed in virtute Dei
Wisdom from the Spirit
1Co 2:6 sapientiam autem loquimur inter perfectos sapientiam vero non huius saeculi neque principum huius saeculi qui destruuntur
1Co 2:7 sed loquimur Dei sapientiam in mysterio quae abscondita est quam praedestinavit Deus ante saecula in gloriam nostram
1Co 2:8 quam nemo principum huius saeculi cognovit si enim cognovissent numquam Dominum gloriae crucifixissent
1Co 2:9 sed sicut scriptum est quod oculus non vidit nec auris audivit nec in cor hominis ascendit quae praeparavit Deus his qui diligunt illum
1Co 2:10 nobis autem revelavit Deus per Spiritum suum Spiritus enim omnia scrutatur etiam profunda Dei
1Co 2:11 quis enim scit hominum quae sint hominis nisi spiritus hominis qui in ipso est ita et quae Dei sunt nemo cognovit nisi Spiritus Dei
1Co 2:12 nos autem non spiritum mundi accepimus sed Spiritum qui ex Deo est ut sciamus quae a Deo donata sunt nobis
1Co 2:13 quae et loquimur non in doctis humanae sapientiae verbis sed in doctrina Spiritus spiritalibus spiritalia conparantes
1Co 2:14 animalis autem homo non percipit ea quae sunt Spiritus Dei stultitia est enim illi et non potest intellegere quia spiritaliter examinatur
1Co 2:15 spiritalis autem iudicat omnia et ipse a nemine iudicatur
1Co 2:16 quis enim cognovit sensum Domini qui instruat eum nos autem sensum Christi habemus
1 Corinthians
Latin Vulgata, 1 Corinthians, Chapter 02
| 번호 | 분류 | 제목 |
|---|---|---|
| 16 | 1 Corinthians | Latin Vulgata, 1 Corinthians, Chapter 01 |
| » | 1 Corinthians | Latin Vulgata, 1 Corinthians, Chapter 02 |
| 14 | 1 Corinthians | Latin Vulgata, 1 Corinthians, Chapter 03 |
| 13 | 1 Corinthians | Latin Vulgata, 1 Corinthians, Chapter 04 |
| 12 | 1 Corinthians | Latin Vulgata, 1 Corinthians, Chapter 05 |
| 11 | 1 Corinthians | Latin Vulgata, 1 Corinthians, Chapter 06 |
| 10 | 1 Corinthians | Latin Vulgata, 1 Corinthians, Chapter 07 |
| 9 | 1 Corinthians | Latin Vulgata, 1 Corinthians, Chapter 08 |
| 8 | 1 Corinthians | Latin Vulgata, 1 Corinthians, Chapter 09 |
| 7 | 1 Corinthians | Latin Vulgata, 1 Corinthians, Chapter 10 |
| 6 | 1 Corinthians | Latin Vulgata, 1 Corinthians, Chapter 11 |
| 5 | 1 Corinthians | Latin Vulgata, 1 Corinthians, Chapter 12 |
| 4 | 1 Corinthians | Latin Vulgata, 1 Corinthians, Chapter 13 |
| 3 | 1 Corinthians | Latin Vulgata, 1 Corinthians, Chapter 14 |
| 2 | 1 Corinthians | Latin Vulgata, 1 Corinthians, Chapter 15 |
| 1 | 1 Corinthians | Latin Vulgata, 1 Corinthians, Chapter 16 |
Previous
List