1Ti 2:1 בעא אנא הכיל מנך דמן קדם כלמדם בעותא תהוא מקרב לאלהא וצלותא ותחננתא ותודיתא חלף כלהון בנינשׁא
1Ti 2:2 חלף מלכא ורורבנא דעומרא שׁליא וניחא נעמר בכלה דחלת אלהא ודכיותא
1Ti 2:3 הדא גיר שׁפירא ומקבלא קדם אלהא מחינן
1Ti 2:4 הו דצבא דכלהון בנינשׁא נחון ונתפנון לידעתא דשׁררא
1Ti 2:5 חד הו גיר אלהא וחד הו מצעיא דאלהא ודבנינשׁא ברנשׁא ישׁוע משׁיחא
1Ti 2:6 הו דיהב נפשׁה פורקנא חלף כל אנשׁ סהדותא דאתת בזבנה
1Ti 2:7 הי דאנא אתסימת כרוזה ושׁליחה קושׁתא אמר אנא ולא מדגל אנא דהוית מלפנא דעממא בהימנותא דשׁררא
1Ti 2:8 צבא אנא הכיל דהוו מצלין גברא בכל דוכא כד מרימין אידיהון דכיאית דלא רוגזא ודלא מחשׁבתא
1Ti 2:9 הכנא אף נשׁא באסכמא נכפא דלבושׁא בתחמצתא ובנכפותא נהוא תצביתהין לא בגדולא ובדהבא או במרגניתא או בנחתא שׁפירא
1Ti 2:10 אלא בעבדא טבא איכנא דיאא לנשׁא דמשׁתודין דחלת אלהא
1Ti 2:11 אנתתא בשׁליא הות ילפא בכל שׁועבד
1Ti 2:12 לאנתתא גיר למלפו לא מפס אנא ולא לממרחו על גברא אלא תהוא בשׁליא
1Ti 2:13 אדם גיר אתגבל לוקדם והידין חוא
1Ti 2:14 ואדם לא טעא אנתתא דין טעת ועברת על פוקדנא
1Ti 2:15 חיא דין ביד ילדיה אן נקוון בהימנותא ובחובא ובקדישׁותא ובנכפותא