Peshitta NT, Hebrew Letters with Vowels, Acts, Chapter 22

Act 22:1 אַחֵא וַאבָהָתָא שׁמַעו מַפַּק בּרֻוח דַּלוָתכֻון
Act 22:2 וכַד שׁמַעו דּעֵברָאיִת ממַלֵל הוָא עַמהֻון יַתִּירָאיִת בּהֵלו וֵאמַר להֻון
Act 22:3 אֵנָא גַּברָא אנָא יִהֻודָיָא וִילִיד אנָא בּטַרסָוס דּקִילִיקִיַא אֵתרַבִּית דֵּין בּהָדֵא מדִינתָּא עַל גֵּנב רֵגלַוהי דּגַמַלִיאיֵל וֵאתרדִית גּמִירָאיִת בּנָמֻוסָא דַּאבָהָתַן וִאיתַי הוִית טַנָנָא דַּאלָהָא אַיך מָא דָּאף אַנתֻּון כֻּלכֻון אִיתַיכֻּון
Act 22:4 וַלהָדֵא אֻורחָא רֵדפֵּת עדַמָא למַותָּא כַּד אָסַר הוִית ומַשׁלֵם הוִית לבֵית אַסִירֵא גַּברֵא ונֵשֵׁא
Act 22:5 אַיך מָא דּסָהֵד עלַי רַבּ כָּהנֵא וכֻלהֻון קַשִׁישֵׁא דּמֵנהֻון קַבּלֵת אֵגּרָתָא דִּאזַל לוָת אַחֵא דַּבדַרמסֻוק דָּאף להָנֻון דִּאית הוַו תַּמָן אַיתֵּא אֵנֻון לֻאורִשׁלֵם כַּד אַסִירִין וַנקַבּלֻון מסָם בּרִשָׁא
Act 22:6 וכַד אָזֵל הוִית ושַׁרִית ממַטֵא אנָא לדַרמסֻוק בּפֵלגֵּה דּיַומָא מֵן תּחֵית שֵׁליָא מֵן שׁמַיָא אַזלֵג עלַי נֻוהרָא סַגִּיָאא
Act 22:7 ונֵפלֵת עַל אַרעָא ושֵׁמעֵת קָלָא דָּאמַר הוָא לִי שָׁאוָל שָׁאוָל מָנָא רָדֵף אַנתּ לִי
Act 22:8 אֵנָא דֵּין ענִית וֵאמרֵת מַן אַנתּ מָרי והֻו אֵמַר לִי אֵנָא הֻו יֵשֻׁוע נָצרָיָא דַּאנתּ רָדֵף אַנתּ
Act 22:9 ואנָשָׁא דִּאית הוַו עַמי חזַו נֻוהרָא קָלָא דֵּין לָא שׁמַעו דּהַו דַּממַלֵל הוָא עַמי
Act 22:10 וֵאמרֵת מָנָא אֵעבֵּד מָרי ומָרַן אֵמַר לִי קֻום זֵל לדַרמסֻוק ותַמָן נֵתמַלַל עַמָך עַל כֻּל מֵדֵּם דּמֵתפּקֵד לָך דּתֵעבֵּד
Act 22:11 וכַד לָא מֵתחזֵא הוָא לִי מֵטֻל תֵּשׁבֻּוחתֵּה דּנֻוהרָא הַו אַחדֻּוני בִּאידַי הָנֻון דּעַמי הוַו ועֵלֵת לדַרמסֻוק
Act 22:12 וגַברָא חַד חַנַניָא כִּאנָא בּנָמֻוסָא אַיך דּסָהדִּין הוַו עלַוהי כֻּלהֻון יִהֻודָיֵא דּתַמָן
Act 22:13 אֵתָא לוָתי וֵאמַר לִי שָׁאוָל אָחי פּתַח עַינַיכּ ובָה בּשָׁעתָא אֵתפַּתַּח עַינַי וחָרֵת בֵּה
Act 22:14 וֵאמַר לִי אַלָהָא דַּאבָהָתַן אַקִימָך למֵדַּע צֵביָנֵה ותֵחזֵא לזַדִּיקָא ותֵשׁמַע קָלָא מֵן פֻּומֵה
Act 22:15 ותֵהוֵא לֵה סָהדָּא לוָת כֻּלהֻון בּנַינָשָׁא עַל כֻּול מָא דַּחזַיתּ וַשׁמַעתּ
Act 22:16 והָשָׁא מָנָא מֵשׁתַּוחַר אַנתּ קֻום עמַד וֵאתּדַּכָּא מֵן חטָהַיכּ כַּד קָרֵא אַנתּ שׁמֵה
Act 22:17 והֵפכֵּת אֵתִית לכָא לֻאורִשׁלֵם וצַלִית בּהַיכּלָא
Act 22:18 וַחזִיתֵה בּחֵזוָא כַּד אָמַר לִי אֵסתַּרהַב ופֻוק לָך מֵן אֻורִשׁלֵם מֵטֻל דּלָא מקַבּלִין סָהדֻּותָך דַּעלַי
Act 22:19 וֵאנָא אֵמרֵת מָרי אָף הֵנֻון יָדעִין דֵּאנָא מַשׁלֵם הוִית לבֵית אַסִירֵא ומָחֵא הוִית בּכֻל כּנֻושָׁן לַאילֵין דַּמהַימנִין הוַו בָּך
Act 22:20 וכַד מֵתֵאשֵׁד הוָא דּמֵה דֵּאסטֵפַנָס סָהדָּך וָאף אֵנָא עַמהֻון קָאֵם הוִית ושָׁלֵם הוִית לצֵביָנהֻון דּקָטֻולַוהי ונָטַר הוִית מָאנֵא דַּאילֵין דּרָגמִין הוַו לֵה
Act 22:21 וֵאמַר לִי זֵל דֵּאנָא משַׁדַּר אנָא לָך לרֻוחקָא למַכרָזֻו לעַממֵא
Act 22:22 וכַד שַׁמעֻוהי לפַּולָוס עדַמָא להָדֵא מֵלתָא אַרִימו קָלהֻון וַקעַו נֵשׁתּקֵל מֵן אַרעָא אַינָא דּהָכַנָא הו לָא גֵּיר וָלֵא לֵה למֵחָא
Act 22:23 וכַד מבַגּנִין הוַו וַמשַׁדֵּין הוַו מָאנַיהֻון ומַסקִין הוַו חֵלָא לַשׁמַיָא
Act 22:24 פּקַד כִּלִיַרכָא דּנַעלֻונֵה למַשׁרִיתָא וַפקַד דַּבנֵגדֵּא נֵשׁתַּאַל אַיך דּנֵדַּע מֵטֻל אַידָא עֵלתָא קָעֵין הוַו עלַוהי
Act 22:25 וכַד מַתחֻוהי בּעַרקֵא אֵמַר הֻו פַּולָוס לקֵנטרֻונָא דּקָאֵם הוָא עלַוהי מַפַּס לכֻון דַּלגַברָא רֻהומָיָא דּלָא מחַיַב דַּתנַגּדֻון
Act 22:26 וכַד שׁמַע קֵנטרֻונָא קרֵב לוָת כִּלִיַרכָא וֵאמַר לֵה מָנָא עָבֵד אַנתּ הָנָא גֵּיר גַּברָא רֻהומָיָא הו
Act 22:27 וַקרֵב לוָתֵה כִּלִיַרכָא וֵאמַר לֵה אֵמַר לִי אַנתּ רֻהומָיָא אַנתּ וֵאמַר לֵה אִין
Act 22:28 וַענָא כִּלִיַרכָא וֵאמַר אֵנָא בּכֵספָּא סַגִּיָאא קנִיתָה לרֻהומָיֻותָא אָמַר לֵה פַּולָוס אֵנָא דֵּין אָף בָּה אֵתיַלדֵּת
Act 22:29 ומֵחדָא פּרַקו להֻון מֵנֵה הָנֻון דּבָעֵין הוַו לַמנַגָּדֻותֵה וַדחֵל כִּלִיַרכָא כַּד יִלֵף דּרֻהומָיָא הו עַל דּפַכרֵה הוָא
Act 22:30 וַליַומָא אחרִנָא צבָא הוָא למֵדַּע שַׁרִירָאיִת דּמָנָא הי קטִגרָנֻותָא דּמַיתֵּין הוַו עלַוהי יִהֻודָיֵא וַשׁרָיהי וַפקַד דּנִאתֻון רַבַּי כָּהנֵא וכֻלֵה כֵּנשָׁא דּרִשַׁיהֻון וַדבַר לפַּולָוס וַאחֵת אַקִימֵה בַּינָתהֻון