Peshitta NT, Hebrew Letters with Vowels, Romans, Chapter 12

Rom 12:1 בָּעֵנָא הָכִיל מֵנכֻון אַחַי בּרַחמַוהי דַּאלָהָא דַּתקִימֻון פַּגרַיכֻּון דֵּבחתָא חַיתָא וקַדִּישׁתָּא וַמקַבַּלתָּא לַאלָהָא בּתֵשׁמֵשׁתָּא מלִילתָּא
Rom 12:2 ולָא תֵּתּדַּמֻון לעָלמָא הָנָא אֵלָא אֵשׁתַּחלַפו בּחֻודָּתָא דּרֵעיָנַיכֻּון וַהוַיתֻּון פָּרשִׁין אַינָא הֻו צֵביָנָא דַּאלָהָא טָבָא וַמקַבּלָא וַגמִירָא
Rom 12:3 אָמַר אנָא דֵּין בּטַיבֻּותָא דֵּאתיַהבַּת לִי לכֻלכֻון דּלָא תֵּהוֻון מֵתרַעֵין לבַר מֵן מָא דּוָלֵא דּתֵתרַעֻון אֵלָא תֵּהוֻון מֵתרַעֵין בּנַכפֻּותָא כֻּלנָשׁ אַיך דַּפלַג לֵה אַלָהָא הַימָנֻותָא בַּמשֻׁוחתָא
Rom 12:4 אַיכַּנָא גֵּיר דַּבחַד פַּגרָא הַדָּמֵא סַגִּיֵאא אִית לַן וכֻלהֻון הַדָּמֵא לָא הוָא חַד סֻוערָנָא אִית להֻון
Rom 12:5 הָכַנָא אָף חנַן דּסַגִּיֵאא חנַן חַד חנַן פּגַר בַּמשִׁיחָא חַד חַד מֵנַן דֵּין הַדָּמֵא חנַן דַּחדָדֵא
Rom 12:6 אֵלָא אִית לַן מַוהבָתָא משַׁחלפָתָא אַיך טַיבֻּותָא דֵּאתיַהבַּת לַן אִית דַּנבִיֻותָא אַיך משֻׁוחתָא דּהַימָנֻותֵה
Rom 12:7 וִאית דּתֵשׁמֵשׁתָּא אִית לֵה בּתֵשׁמֵשׁתֵּה וִאית דּמַלפָנָא הֻו בּיֻולפָּנֵה
Rom 12:8 וִאית דַּמבַיָאנָא הֻו בּבֻויָאֵה וַדיָהֵב בַּפשִׁיטֻותָא וַדקָאֵם בּרִשָׁא בַּחפִיטֻותָא ודַמרַחֵם בַּפצִיחֻותָא
Rom 12:9 ולָא נֵהוֵא נכִיל חֻובּכֻון אֵלָא הוַיתֻּון סָנֵין לבִישָׁתָא ומֵתנַקפִין לטָבָתָא
Rom 12:10 הוַיתֻּון רָחמִין לַאחַיכֻּון ומַחבִין חַד לחַד הוַיתֻּון מקַדּמִין מיַקרִין חַד לחַד
Rom 12:11 הוַיתֻּון חפִיטִין ולָא חבַנָנִין הוַיתֻּון רָתחִין בּרֻוח הוַיתֻּון פָּלחִין למָרכֻון
Rom 12:12 הוַיתֻּון חָדֵין בּסַברכֻון הוַיתֻּון מסַיבּרִין אֻולצָנַיכֻּון הוַיתֻּון אַמִינִין בַּצלֻותָא
Rom 12:13 הוַיתֻּון מֵשׁתַּותּפִין לַסנִיקֻותָא דּקַדִּישֵׁא הוַיתֻּון רָחמִין אַכסנָיֵא
Rom 12:14 בַּרֵכו לרָדֻופַיכֻּון בַּרֵכו ולָא תּלֻוטֻון
Rom 12:15 חדַו עַם דּחָדֵין וַבכַו עַם דּבָכֵין
Rom 12:16 ומֵדֵּם דּמֵתרַעֵין אנתֻּון עַל נַפשׁכֻון אָף עַל אַחַיכֻּון ולָא תֵּתרַעֻון רֵעיָנָא רָמָא אֵלָא קַפו לַאילֵין דּמַכִּיכִין ולָא הוַיתֻּון חַכִּימִין בּרֵעיָן נַפשׁכֻון
Rom 12:17 ולָא תֵּפרעֻון לאנָשׁ בִּישׁתָּא חלָף בִּישׁתָּא אֵלָא נֵתבּטֵל לכֻון דּתֵעבּדֻון טָבָתָא קדָם בּנַינָשָׁא כֻּלהֻון
Rom 12:18 וֵאן מֵשׁכּחָא אַיך דּמֵן לוָתכֻון עַם כֻּלבַּרנָשׁ שׁלָמָא עבֵדו
Rom 12:19 ולָא הוַיתֻּון תָּבעִין נַפשׁכֻון חַבִּיבַי אֵלָא הַבו אַתרָא לרֻוגזָא כּתִיב הֻו גֵּיר דֵּאן לָא תֵּעבֵּד דִּינָא לנַפשָׁך אֵנָא אֵעבֵּד דִּינָך אָמַר אַלָהָא
Rom 12:20 וֵאן כּפֵן בּעֵלדּבָבָך אַוכֵּלָיהי וֵאן צהֵא אַשׁקָיהי וֵאן הָלֵין תֵּעבֵּד לֵה גֻּומרֵא דּנֻורָא תּקַבַּר עַל קַרקַפתֵה
Rom 12:21 לָא תֵּזכֵּיכֻון בִּישׁתָּא אֵלָא זכַאֻוה לבִישׁתָּא בּטָבתָא