1Co 1:1 פַּולָוס קַריָא וַשׁלִיחָא דּיֵשֻׁוע משִׁיחָא בּצֵביָנֵה דַּאלָהָא וסָוסתֵנִס אַחָא
1Co 1:2 לעִדּתָּא דַּאלָהָא דַּבקָורִנתָוס קרַיָא וקַדִּישֵׁא דַּביֵשֻׁוע משִׁיחָא מקַדּשִׁין וַלכֻלהֻון אַילֵין דּקָרֵין שׁמֵה דּמָרַן יֵשֻׁוע משִׁיחָא בּכֻל אַתַר דִּילהֻון ודִילַן
1Co 1:3 טַיבֻּותָא עַמכֻון וַשׁלָמָא מֵן אַלָהָא אַבֻון ומֵן מָרַן יֵשֻׁוע משִׁיחָא
1Co 1:4 מַודֵּא אנָא לַאלָהי בּכֻלזבַן חלָפַיכֻּון עַל טַיבֻּותָא דַּאלָהָא דֵּאתיַהבַּת לכֻון בּיֵשֻׁוע משִׁיחָא
1Co 1:5 דַּבכֻל מֵדֵּם עתַרתֻּון בֵּה בּכֻל מֵלָא וַבכֻל יִדַעתָא
1Co 1:6 אַיך דּסָהדֻּותֵה דַּמשִׁיחָא אֵשׁתַּררַת בּכֻון
1Co 1:7 דּלָא אֵתבַּצַרתֻּון בַּחדָא מֵן מַוהבָתֵה אֵלָא מסַכֵּין אנתֻּון לגֵליָנֵה דּמָרַן יֵשֻׁוע משִׁיחָא
1Co 1:8 דּהֻו נשַׁרַרכֻון עדַמָא לַאחרָיתָּא דַּדלָא רֵשׁיָן תֵּהוֻון בּיַומֵה דּמָרַן יֵשֻׁוע משִׁיחָא
1Co 1:9 מהַימַן הו אַלָהָא דּבִאידֵה אֵתקרִיתֻּון לשַׁותָּפֻותָא דַּברֵה יֵשֻׁוע משִׁיחָא מָרַן
1Co 1:10 בָּעֵא אנָא דֵּין מֵנכֻון אַחַי בַּשׁמֵה דּמָרַן יֵשֻׁוע משִׁיחָא דּתֵהוֵא חדָא מֵלתָא לכֻלכֻון ולָא נֵהויָן בּכֻון פָּלַגוָתָא אֵלָא תֵּהוֻון גּמִירִין בַּחדָא תַּרעִיתָא וַבחַד רֵעיָנָא
1Co 1:11 שׁלַחו לִי גֵּיר עלַיכֻּון אַחַי מֵן בֵּית כּלָאֵא דּחֵריָנֵא אִית בַּינָתכֻון
1Co 1:12 הָדֵא דֵּין אָמַר אנָא דִּאית מֵנכֻון דָּאמַר אֵנָא דּפַּולָוס אנָא וִאית דָּאמַר אֵנָא דַּאפָּלָו אנָא וִאית דָּאמַר אֵנָא דּכִאפָא אנָא וִאית דָּאמַר אֵנָא דַּמשִׁיחָא אנָא
1Co 1:13 דַּלמָא אֵתפַּלַג לֵה משִׁיחָא אַו למָא פַּולָוס אֵזדּקֵף עַל אַפַּיכֻּון אַו בַּשׁמֵה דּפַּולָוס עמַדּתֻּון
1Co 1:14 מַודֵּא אנָא לַאלָהי דַּלאנָשׁ מֵנכֻון לָא אַעמדֵת אֵלָא לַכּרִיספָּוס וַלגַאִיָוס
1Co 1:15 דּלָא אנָשׁ נִאמַר דַּבשֵׁמי אַעמדֵת
1Co 1:16 אַעמדֵת דֵּין אָף לבַיתֵּה דֵּאסטֵפַנַא תֻּוב דֵּין לָא יָדַע אנָא אֵן לאנָשׁ אחרִין אַעמדֵת
1Co 1:17 לָא גֵּיר שַׁדּרַני משִׁיחָא למַעמָדֻו אֵלָא לַמסַבָּרֻו לָא בּחֵכמַת מֵלֵא דּלָא נֵסתַּרַק זקִיפֵה דַּמשִׁיחָא
1Co 1:18 מֵלתָא גֵּיר דַּזקִיפָא לַאבִידֵא שָׁטיֻותָא הי לַן דֵּין לַאילֵין דּחַיִינַן חַילָא הי דַּאלָהָא
1Co 1:19 כּתִיב גֵּיר דַּאובֵּד חֵכמתָא דּחַכִּימֵא וֵאגלֻוז תַּרעִיתָא דּסַכֻּולתָנֵא
1Co 1:20 אַיכָּא הֻו חַכִּימָא אַו אַיכָּא הֻו סָפרָא אַו אַיכָּא הֻו דָּרֻושָׁא דּעָלמָא הָנָא לָא הָא אַשׁטיָה אַלָהָא חֵכמתֵה דּעָלמָא הָנָא
1Co 1:21 מֵטֻל גֵּיר דַּבחֵכמתֵה דַּאלָהָא לָא יִדַע עָלמָא בּחֵכמתָא לַאלָהָא צבָא אַלָהָא דַּבשָׁטיֻותָא דּכָרֻוזֻותָא נַחֵא לַאילֵין דַּמהַימנִין
1Co 1:22 מֵטֻל דִּיהֻודָיֵא אָתוָתָא שָׁאלִין וַארמָיֵא חֵכמתָא בָּעֵין
1Co 1:23 חנַן דֵּין מַכרזִינַן משִׁיחָא כַּד זקִיף תֻּוקַלתָּא לִיהֻודָיֵא ולַארמָיֵא שָׁטיֻותָא
1Co 1:24 להָנֻון דֵּין דַּקרֵין יִהֻודָיֵא וַארמָיֵא משִׁיחָא חַילָא דַּאלָהָא וחֵכמתָא דַּאלָהָא
1Co 1:25 מֵטֻל דּשָׁטיֻותֵה דַּאלָהָא חַכִּימָא הי מֵן בּנַינָשָׁא וַכרִיהֻותֵה דַּאלָהָא חַילתָניָא הי מֵן בּנַי אנָשָׁא
1Co 1:26 חזַו גֵּיר אָף קרָיתּכֻון אַחַי דּלָא סַגִּיאיִן בּכֻון חַכִּימֵא בַּבסַר ולָא סַגִּיאיִן בּכֻון חַילתָנֵא ולָא סַגִּיאיִן בּכֻון בּנַי טֻוהמָא רַבָּא
1Co 1:27 אֵלָא גּבָא אַלָהָא לסַכלַוהי דּעָלמָא דּנַבהֵת לחַכִּימֵא וַגבָא כּרִיהַוהי דּעָלמָא דּנַבהֵת לחַילתָנֵא
1Co 1:28 וַגבָא לַאילֵין דַּבצִיר טֻוהמהֻון בּעָלמָא וַלמַסלַיָא ולַאילֵין דּלַיתּ אֵנֻון דַּנבַטֵל לַאילֵין דִּאיתַיהֻון
1Co 1:29 דּלָא נֵשׁתַּבהַר כֻּל בּסַר קדָמַוהי
1Co 1:30 אָף אַנתֻּון דֵּין מֵנֵה אַנתֻּון בּיֵשֻׁוע משִׁיחָא הַו דַּהוָא לַן חֵכמתָא מֵן אַלָהָא וזַדִּיקֻותָא וקַדִּישֻׁותָא ופֻורקָנָא
1Co 1:31 אַיך דַּכתִיב דּמַן דּמֵשׁתַּבהַר בּמָריָא נֵשׁתַּבהַר