1Co 3:1 וֵאנָא אַחַי לָא אֵשׁכּחֵת דֵּאמַלֵל עַמכֻון אַיך דּעַם רֻוחָנֵא אֵלָא אַיך דּעַם פַּגרָנֵא וַאיך דַּליַלֻודֵא בַּמשִׁיחָא
1Co 3:2 חַלבָא אַשׁקִיתכֻון ולָא יֵהבֵּת לכֻון מֵאכֻולתָּא לָא גֵּיר עדַכִּיל מֵשׁכּחִין הוַיתֻּון אֵלָא אָפלָא הָשָׁא מֵשׁכּחִין אנתֻּון
1Co 3:3 עדַכִּיל גֵּיר בַּבסַר אַנתֻּון אַיכָּא גֵּיר דִּאית בּכֻון חסָמָא וחֵריָנָא ופָלַגוָתָא לָא הָא פַּגרָנֵא אנתֻּון ובַבסַר מהַלכִין אנתֻּון
1Co 3:4 מָא דָּאמַר גֵּיר אנָשׁ אנָשׁ מֵנכֻון אֵנָא דּפַּולָוס אנָא וַאחרִנָא אָמַר אנָא דַּאפָּלָו אנָא לָא הָא פַּגרָנֵא אנתֻּון
1Co 3:5 מַנֻו גֵּיר פַּולָוס אַו מַנֻו אַפָּלָו אֵלָא משַׁמשָׁנֵא דּבִאידַיהֻון הַימֵנתֻּון ואנָשׁ אנָשׁ אַיך דּיַהב לֵה מָריָא
1Co 3:6 אֵנָא נֵצבֵּת וַאפָּלָו אַשׁקִי אֵלָא אַלָהָא רַבִּי
1Co 3:7 לָא הָכִיל הַו דּנָצֵב אִיתַוהי מֵדֵּם ולָא הַו דּמַשׁקֵא אֵלָא אַלָהָא דַּמרַבֵּא
1Co 3:8 מַן דּנָצֵב דֵּין ומַן דּמַשׁקֵא חַד אֵנֻון ואנָשׁ אַיך עַמלֵה אַגרֵה מקַבֵּל
1Co 3:9 עַם אַלָהָא גֵּיר פָּלחִינַן ופֻולחָנָא דַּאלָהָא ובֵניָנָא דַּאלָהָא אַנתֻּון אֵנֻון
1Co 3:10 וַאיך טַיבֻּותָא דַּאלָהָא דֵּאתיַהבַּת לִי סָמֵת שֵׁתֵאסתָּא אַיך אַרדִּכלָא חַכִּימָא אחרִנָא דֵּין עלֵיה בָּנֵא כֻּלנָשׁ דֵּין נֵחזֵא אַיכַּן בָּנֵא עלֵיה
1Co 3:11 שֵׁתֵאסתָּא גֵּיר אחרִתָא סטַר מֵן הָדֵא דּסִימָא אנָשׁ לָא מֵשׁכַּח לַמסָם דִּאיתֵיה יֵשֻׁוע משִׁיחָא
1Co 3:12 וֵאן אנָשׁ דֵּין בָּנֵא עַל הָדֵא שֵׁתֵאסתָּא דַּהבָא אַו סִאמָא אַו כִּאפֵא יַקִירָתָא אַו קַיסֵא אַו עמִירָא אַו חַבּתָא
1Co 3:13 עבָדָא דּכֻלנָשׁ מֵתגּלֵא יַומָא גֵּיר הַו גָּלֵא לֵה מֵטֻל דַּבנֻורָא מֵתגּלֵא וַעבָדֵה דּכֻלנָשׁ אַיכַּנָא אִיתַוהי נֻורָא תֵּפרשִׁיוהי
1Co 3:14 וַאינָא דַּנקַוֵא עבָדֵה הַו דּבָנֵא אַגרֵה נקַבֵּל
1Co 3:15 וַאינָא דַּעבָדֵה נִאקַד נֵחסַר הֻו דֵּין נֵשׁתַּוזַב הָכַנָא דֵּין אַיך דּמֵן נֻורָא
1Co 3:16 לָא יָדעִין אנתֻּון דּהַיכּלֵה אַנתֻּון דַּאלָהָא ורֻוחֵה דַּאלָהָא עָמרָא בּכֻון
1Co 3:17 ומַן דַּמחַבֵּל הַיכּלֵה דַּאלָהָא מחַבֵּל לֵה אַלָהָא הַיכּלֵה גֵּיר דַּאלָהָא קַדִּישׁ הֻו דַּאנתֻּון אֵנֻון
1Co 3:18 אנָשׁ לָא נַטעֵא נַפשֵׁה מַן דּסָבַר בּכֻון דּחַכִּים הֻו בּעָלמָא הָנָא נֵהוֵא לֵה סַכלָא דּנֵהוֵא חַכִּימָא
1Co 3:19 חֵכמתֵה גֵּיר דּעָלמָא הָנָא לֵלֻותָא הי לוָת אַלָהָא כּתִיב הֻו גֵּיר דָּאחֵד חַכִּימֵא בּחָרעֻותהֻון
1Co 3:20 ותֻוב מָריָא יָדַע מַחשׁבָתהֻון דּחַכִּימֵא דַּסרִיקָן אֵנֵין
1Co 3:21 מֵטֻל הָנָא לָא אנָשׁ נֵשׁתַּבהַר בַּבנַינָשָׁא כֻּלמֵדֵּם גֵּיר דִּילכֻון הֻו
1Co 3:22 אֵן פַּולָוס וֵאן אַפָּלָו וֵאן כִּאפָא וֵאן עָלמָא וֵאן חַיֵא וֵאן מַותָּא וֵאן דּקָימָן וֵאן דַּעתִידָן כֻּל מֵדֵּם דִּילכֻון הֻו
1Co 3:23 וַאנתֻּון דַּמשִׁיחָא וַמשִׁיחָא דַּאלָהָא