1Co 6:1 מַמרַח אנָשׁ מֵנכֻון כַּד אִית לֵה דִּינָא עַם אַחֻוהי דַּנדֻון קדָם עַוָלֵא ולָא קדָם קַדִּישֵׁא
1Co 6:2 אַו לָא יָדעִין אנתֻּון דּקַדִּישֵׁא לעָלמָא נדֻונֻון וֵאן עָלמָא בּכֻון מֵתּדִין לָא שָׁוֵין אנתֻּון לַמדָן דִּינֵא דַּקדּקֵא
1Co 6:3 לָא יָדעִין אנתֻּון דַּלמַלַאכֵא דָּינִינַן חַד כּמָא אַילֵין דַּדעָלמָא אֵנֵין הָנָא
1Co 6:4 אֵלָא אֵן אִית לכֻון דִּינָא עַל דּעָלמָא לַאילֵין דַּבסֵין בּעִדּתָּא אַותֵּבו לכֻון בּדִינָא
1Co 6:5 לכֻוָארָא הֻו דֵּין אָמַר אנָא לכֻון הָכַנָא לַיתּ בּכֻון אָפלָא חַד חַכִּימָא דּנֵשׁכַּח נַשׁוֵא בֵּית אַחָא לַאחֻוהי
1Co 6:6 אֵלָא אַחָא עַם אַחֻוהי מֵתּדִין ותֻוב קדָם אַילֵין דּלָא מהַימנִין
1Co 6:7 מֵן כַּדֻּו הָכִיל קנֻומכֻון חָבתֻּון לכֻון דּדִינָא חַד עַם חַד אִית לכֻון מֵטֻל מָנָא גֵּיר לָא מֵתעַלבִין אנתֻּון ומֵטֻל מָנָא לָא מֵתגַּלזִין אנתֻּון
1Co 6:8 אֵלָא אַנתֻּון עָלבִּין אנתֻּון וגָלזִין אנתֻּון אָף לַאחַיכֻּון
1Co 6:9 אַו לָא יָדעִין אנתֻּון דּעַוָלֵא מַלכֻּותֵה דַּאלָהָא לָא יָרתִּין לָא תֵּטעֻון לָא זַנָיֵא ולָא פָּלחַי פּתַכרֵא ולָא גַּיָרֵא ולָא מחַבּלֵא ולָא שָׁכבַּי עַם דֵּכרֵא
1Co 6:10 ולָא עָלֻובֵא ולָא גַּנָבֵא ולָא רַוָיֵא ולָא מצַערָנֵא ולָא חָטֻופֵא הָלֵין מַלכֻּותֵה דַּאלָהָא לָא יָרתִּין
1Co 6:11 והָלֵין אִית הוַי בּאנָשׁ אנָשׁ מֵנכֻון אֵלָא סחַיתֻּון וֵאתקַדַּשׁתֻּון וֵאזדַּדַּקתֻּון בַּשׁמֵה דּמָרַן יֵשֻׁוע משִׁיחָא וַברֻוחֵה דַּאלָהַן
1Co 6:12 כֻּל שַׁלִיט לִי אֵלָא לָא כֻּל פַּקָח לִי כֻּל שַׁלִיט לִי אֵלָא עלַי אנָשׁ לָא נֵשׁתַּלַט
1Co 6:13 מֵאכֻולתָּא דּכַרסָא וכַרסָא דּמֵאכֻולתָּא אַלָהָא דֵּין לתַרתַּיהֵין מבַטֵל פַּגרָא דֵּין לָא לזָניֻותָא אֵלָא למָרַן ומָרַן לפַגרָא
1Co 6:14 אַלָהָא דֵּין וַלמָרַן אַקִים ולַן מקִים בּחַילֵה
1Co 6:15 לָא יָדעִין אנתֻּון דּפַגרַיכֻּון הַדָּמֵא אֵנֻון דַּמשִׁיחָא נֵסַב הַדָּמָא דַּמשִׁיחָא נֵעבּדִיוהי הַדָּמָא דּזָנִיתָא חָס
1Co 6:16 אַו לָא יָדעִין אנתֻּון דּמַן דּנָקֵף לזָנִיתָא חַד הֻו פּגַר אַמִיר גֵּיר דּנֵהוֻון תּרַיהֻון חַד פּגַר
1Co 6:17 מַן דּנָקֵף דֵּין למָרַן הָוֵא עַמֵה חדָא רֻוח
1Co 6:18 ערֻוקו מֵן זָניֻותָא כֻּל חטִיתָא דּנֵעבֵּד בַּרנָשָׁא לבַר מֵן פַּגרֵה הִי מַן דַּמזַנֵא דֵּין בּפַגרֵה הֻו חָטֵא
1Co 6:19 אַו לָא יָדעִין אנתֻּון דּפַגרכֻון הַיכּלָא הֻו דּרֻוחָא דּקֻודשָׁא דּעָמרָא בּכֻון הָי דּקַבֵּלתֻּון מֵן אַלָהָא ולָא הוַיתֻּון דּנַפשׁכֻון
1Co 6:20 אֵזדּבֵנתֻּון גֵּיר בַּדמַיָא הוַיתֻּון הָכִיל משַׁבּחִין לַאלָהָא בּפַגרכֻון וַברֻוחכֻון הָנֻון דִּאיתַיהֻון דַּאלָהָא