1Th 2:1 וַאנתֻּון יָדעִין אנתֻּון אַחַי דּמַעלָנַן דַּלוָתכֻון לָא הוָא סרִיקָאיִת הוָא
1Th 2:2 אֵלָא לֻוקדַם חַשׁנַן וֵאצטַעַרנַן אַיך דּיָדעִיתֻּון בּפִילִיפָּוס והָידֵּין בַּאגֻונָא רַבָּא מַלֵלן עַמכֻון בּפַּרֵהסִיַא דַּאלָהַן סבַרתֵה דַּמשִׁיחָא
1Th 2:3 בֻּויָאַן גֵּיר לָא הוָא מֵן טָעיֻותָא אָפלָא מֵן טַנפֻותָא אָפלָא בּנֵכלָא
1Th 2:4 אֵלָא אַיך מָא דַּבקֵינַן לַאלָהָא דּתֵתהַימַן סבַרתֵה הָכַנָא ממַללִינַן לָא אַיך דּלַבנַי אנָשָׁא נֵשׁפַּר אֵלָא לַאלָהָא הַו דּבָקֵא לֵבַּוָתַן
1Th 2:5 אָפלָא גֵּיר מֵמתֻום אֵתחַשַׁחן בּמַמללָא שַׁדָּלָא אַיך דּיָדעִין אנתֻּון ולָא בּעֵלתָא דּיַענֻותָא אַלָהָא סָהֵד
1Th 2:6 ולָא בּעַין שֻׁובחָא מֵן בּנַינָשָׁא לָא מֵנכֻון ולָא מֵן אחרָנֵא כַּד מֵשׁכּחִין הוַין יַקִירֵא למֵהוָא אַיך שׁלִיחֵא דַּמשִׁיחָא
1Th 2:7 אֵלָא הוַין בַּינָתכֻון מַכִּיכֵא וַאיך מרַבּיָנִיתָא דַּמחַבּבָא בּנֵיה
1Th 2:8 הָכַנָא אָף חנַן מחַבּבִינַן וַמסַוחִינַן למֵתַּל לכֻון לָא בַּלחֻוד סבַרתֵה דַּאלָהָא אֵלָא אָף נַפשַׁן מֵטֻל דּחַבִּיבַין אנתֻּון
1Th 2:9 עָהדִּין אנתֻּון גֵּיר אַחַין דּלָאֵין הוַין ועָמלִין בַּעבָד אִידַין בּלִליָא ובִאימָמָא דּעַל חַד מֵנכֻון לָא נִאקַר
1Th 2:10 אַנתֻּון סָהדִּין וַאלָהָא אַיכַּנָא אַכרֵזן לכֻון סבַרתֵה דַּאלָהָא דַּכיָאיִת וכִאנָאִית וַדלָא רֵשׁיָן הוַין לוָת כֻּלהֻון מהַימנֵא
1Th 2:11 אַיכַּנָא דּיָדעִין אנתֻּון דּמֵן חַד חַד מֵנכֻון אַיך אַבָא מֵן בּנַוהי בָּעֵין הוַין ומָלֵין הוַין בּלֵבּכֻון וַמסַהדִינַן לכֻון
1Th 2:12 דַּתהַלכֻון אַיך דּיָאֵא לַאלָהָא הַו דַּקרָכֻון למַלכֻּותֵה וַלשֻׁובחֵה
1Th 2:13 מֵטֻל הָנָא אָף חנַן מַודֵּינַן אַמִינָאיִת לַאלָהָא דּמֵלתָא דַּאלָהָא דּקַבֵּלתֻּון מֵנַן לָא הוָא אַיך מֵלתָא דַּבנַינָשָׁא קַבֵּלתֻּונָה אֵלָא אַיכַּנָא דִּאיתֵיה שַׁרִירָאיִת מֵלתָא דַּאלָהָא והִי בַּעבָדָא מֵסתַּערָא בּכֻון בַּאילֵין דַּמהַימנִין
1Th 2:14 אַנתֻּון דֵּין אַחַי אֵתּדַּמִיתֻּון לעִדָתָא דַּאלָהָא דּבִיהֻוד הָלֵין דַּביֵשֻׁוע משִׁיחָא דּהָכַן סַיבַּרתֻּון אָף אַנתֻּון מֵן בּנַי שַׁרבַּתכֻון אַיכַּנָא דָּאף הֵנֻון מֵן יִהֻודָיֵא
1Th 2:15 הָנֻון דַּלמָרַן יֵשֻׁוע משִׁיחָא קטַלו ולַנבִיֵא דּמֵנהֻון ולַן רדַפו ולַאלָהָא לָא שָׁפרִין וַעבִידִין סַקֻובלָא לכֻלהֻון בּנַי אנָשָׁא
1Th 2:16 דּכָלֵין לַן דַּנמַלֵל עַם עַממֵא דּנִחֻון לַמשַׁלָמֻו חטָהַיהֻון בּכֻלזבַן מַטִי דֵּין עלַיהֻון רֻוגזָא עדַמָא לחַרתָא
1Th 2:17 חנַן דֵּין אַחַין הוַין יַתמֵא מֵנכֻון זַבנָא דּשָׁעתָא בַּאפַּין ולָא בּלֵבַּן ויַתִּירָאיִת אֵתחַפַּטן למֵחזָא אַפַּיכֻּון בּחֻובָּא סַגִּיָאא
1Th 2:18 וַצבַין דּנִאתֵא לוָתכֻון אֵנָא פַּולָוס חדָא זבַן ותַרתֵּין ועַוכַני סָטָנָא
1Th 2:19 אַינַו גֵּיר סַברַן וחַדֻותַן וַכלִילָא דּשֻׁובהָרַן אֵלָא אֵן אַנתֻּון קדָם מָרַן יֵשֻׁוע בּמֵאתִיתֵה
1Th 2:20 אַנתֻּון אֵנֻון גֵּיר תֵּשׁבֻּוחתַּן וחַדֻותַן