2Th 3:1 מֵן הָשָׁא אַחַין צַלַו עלַין דּמֵלתֵה דּמָרַן תֵּהוֵא רָהטָא ומֵשׁתַּבּחָא בּכֻל דֻּוכָּא אַיך דַּלוָתכֻון
2Th 3:2 וַדנֵתפַּצֵא מֵן בּנַינָשָׁא בִּישֵׁא ועַנָתֵא לַו גֵּיר דּכֻלנָשׁ הִי הַימָנֻותָא
2Th 3:3 מהַימַן הֻו דֵּין מָריָא דּהֻו ננַטַרכֻון וַנשַׁוזֵבכֻון מֵן בִּישָׁא
2Th 3:4 תּכִילִינַן דֵּין עלַיכֻּון בּמָרַן דּמֵדֵּם דַּמפַקדִינַן לכֻון עבַדּתֻּון אָף עָבדִּיתֻּון
2Th 3:5 ומָרַן נֵתרֻוץ לֵבַּוָתכֻון לחֻובֵּה דַּאלָהָא ולַמסַבּרָנֻותֵה דַּמשִׁיחָא
2Th 3:6 מפַקדִינַן לכֻון דֵּין אַחַי בַּשׁמֵה דּמָרַן יֵשֻׁוע משִׁיחָא דַּהוַיתֻּון פַּרִיקִין מֵן כֻּל אַחָא אַינָא דּבִישׁ בִּישׁ מהַלֵך ולָא אַיך פֻּוקדָּנֵא דּקַבֵּלו מֵנַן
2Th 3:7 אַנתֻּון גֵּיר יָדעִין אנתֻּון אַיכַּנָא וָלֵא למֵתּדַּמָיֻו בַּן דּלָא הַלֵכן בִּישׁ בִּישׁ בַּינָתכֻון
2Th 3:8 אָפלָא לַחמָא דּמַגָּן אֵכַלן מֵן אנָשׁ מֵנכֻון אֵלָא בּעַמלָא וַבלֵאוֻתָא בּלִליָא ובִאימָמָא פָּלחִין הוַין דּעַל אנָשׁ מֵנכֻון לָא נִאקַר
2Th 3:9 לָא הוָא מֵטֻל דּלָא שַׁלִיט לַן אֵלָא דַּבנַפשַׁן נֵתֵּל לכֻון טֻופסָא דּבַן תֵּתּדַּמֻון
2Th 3:10 אָף כַּד לוָתכֻון הוַין גֵּיר הָדֵא מפַקדִין הוַין לכֻון דּכֻל דּלָא צָבֵא דּנֵפלֻוח אָפלָא נֵלעַס
2Th 3:11 שָׁמעִינַן גֵּיר דִּאית בּכֻון אנָשָׁא דּבִישׁ בִּישׁ מהַלכִין ומֵדֵּם לָא פָּלחִין אֵלָא אֵן סרִיקָתָא
2Th 3:12 להֻון דֵּין להָלֵין מפַקדִינַן ובָעֵינַן מֵנהֻון בּמָרַן יֵשֻׁוע משִׁיחָא דַּבשֵׁליָא נֵהוֻון פָּלחִין וָאכלִין לַחמהֻון
2Th 3:13 אנתֻּון דֵּין אַחַי לָא תֵּמַאן לכֻון למֵעבַּד דּשַׁפִּיר
2Th 3:14 וֵאן אנָשׁ לָא מֵשׁתּמַע למֵלַין הָלֵין דּבֵאגַּרתָּא נֵתפּרֵשׁ לכֻון הָנָא ולָא הוַיתֻּון מֵתחַלטִין עַמֵה דּנֵבהַת
2Th 3:15 ולָא אַיך בּעֵלדּבָבָא תֵּאחדֻּונֵה אֵלָא הוַיתֻּון מַרתֵּין לֵה אַיך דּלַאחָא
2Th 3:16 הֻו דֵּין מָרֵה דַּשׁלָמָא נֵתֵּל לכֻון שׁלָמָא בּכֻלזבַן בּכֻלמֵדֵּם מָרַן עַם כֻּלכֻון
2Th 3:17 שׁלָמָא בַּכתָבַת אִידַי אֵנָא פַּולָוס כֵּתבֵּת דִּאיתַוהי אָתָא דַּבכֻלהֵין אֵגּרָתי הָכַנָא כָּתֵב אנָא
2Th 3:18 טַיבֻּותֵה דּמָרַן יֵשֻׁוע משִׁיחָא עַם כֻּלכֻון אַמִין